गोरुले कुल्चेर प्युठानमा एक जनाको ज्यान गएको छ ।

स्वर्गद्वारी नगरपालिका–८ बर्जिवाङका ६७ वर्षीय प्रतिमान खत्रीको बुधवार जुधेर भागेको गोरुले कुल्चेर ज्यान गएको प्रहरीले जनाएको छ ।

जिल्ला प्रहरी कार्यालय प्युठानका सूचना अधिकारी प्रहरी निरीक्षक केशव के.सी. का अनुसार स्थानीय मान बहादुर खत्रीका गोरु जुधेर भाग्ने क्रममा कुल्चिएर प्रतिमानको ज्यान गएको हो ।

‘प्रारम्भिक अनुसन्धानबाट भवितव्य घटना देखिन्छ’ के.सी.ले भने,‘यस विषयमा प्रत्यक्षदर्शी तथा सम्बन्धित सँग  प्रहरीले अनुसन्धान गर्दैछ ।’

बिहीबार प्युठान अस्पतालमा मृतक खत्रीको शवको पोस्टमार्टम गरी परिवारलाई बुझाइएको प्रहरीले जनाएको छ ।