२०८१ असोज ५नेपाल पत्रकार महासङ्घ थप सङ्कटमा परेको छ ।
असोज १२ का लागि तोकिएको निर्वाचन गराउन नसक्ने स्थिति देखा परेपछि शुक्रवार कार्यवाहक अध्यक्ष रमेश विष्टले समेत राजीनामा दिएका छन् ।
नागरिक समाजको अग्रणी लोकतान्त्रिक संस्था मानिएको नेपाल पत्रकार महासङ्घले तेस्रो पटक तोकिएको मितिमा समेत निर्वाचन गर्न नसकेपछि चौतर्फी आलोचना भइरहेको छ ।
कार्य अवधि सकिएपछि विशेष कारणबाहेक समयमै अधिवेशन गरेर नेतृत्व हस्तान्तरण गर्नुपर्ने दायित्वबाट चुकेपछि एकपछि अर्को राजीनामा आएको हो ।
अध्यक्ष विपुल पोख्रेलले यसअघि नै राजीनामा दिइसकेका छन् । कार्यवाहक अध्यक्षको हैसियतमा आफैले तोकेको मितिमा समेत निर्वाचन नहुने भएपछि रमेश विष्टले पनि राजीनामा दिए ।
विधानअनुसार अध्यक्ष र वरिष्ठ उपाध्यक्ष दुवै पद रिक्त भएपछि महिला उपाध्यक्षले कार्यवाहक अध्यक्षको जिम्मेवारी निर्वाह गर्ने व्यवस्था छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
