प्यूठानको नौबहिनी गाउँपालिका–५ डाम्रीका १८ वर्षे तुलबहादुर थापाको गाउँमा क्रिकेट खेल्ने मात्रै होइन हेर्नेहरू समेत अझै न्यून छन् । सामान्य परिवारमा जन्मेका थापाले भारतमा सिकेको खेलले नेपाली क्रिकेटर बन्दै छन् । काकाको साथमा भारतको चण्डिगढमा पढ्दा क्रिकेट खेल्न थालेका थापा १२ वर्ष उमेर मुनिको समूह भारतको चण्डिगढमा जिल्ला स्तरीय प्रतियोगिताको अवसर पाएका थिए ।
२०१६ मा भारतबाट कक्षा आठको परीक्षा दिएर घर आएका थापा दाङको भालुवाङमा भएको जिल्ला स्तरको मुस्लिम कप प्रतियोगितामा पहिलो पटक खेले यो उनको नेपालमा खेल यात्रा सुरु भयो । थापा नेपाल क्रिकेट सङ्घ (क्यान)को आयोजनामा टी–२० फ्रेन्चाइज लिग नेपाल प्रिमियर लिग मङ्सिर १५ देखि पुस ६ गतेसम्म काठमाण्डौमा हुने फ्रेन्चाइज लिगमा समेत खेल्ने भएका छन् । उनलाई जनकपुर बोल्टर्सले २ लाखमा अनुबन्धन गरिसकेको छ । नेपाली राष्ट्रिय क्रिकेट टोलीका विकेट किपर ब्याटर आसिफ शेख मार्की खेलाडी रहेको जनकपुरमा पुबुदु दासानायके मुख्य प्रशिक्षकको जिम्मेवारीमा छन् । त्यहाँ थापाले थप अनुभव गर्दै छन् । देशको लागि क्रिकेट क्षेत्रको अन्तर्राष्ट्रिय खेल खेल्ने लक्ष्य रहेको थापा बताउँछन् ।
‘अनुभवी क्रिकेटर सङ्ग खेल्न पाउँदा नेपाल प्रिमियर लिगलाई राष्ट्रिय टिमबाट खेल्ने ढोकाको रूपमा लिएको छु । उत्कृष्ट प्रदर्शनका लागि तयारी गरिरहेको छु ,’ थापाले भने । थापा क्रिकेटमा बायाँ हाते च्याइनामेन स्पिनर हुन् । यो बलिङ तर्फ कमैमा क्षमता हुन्छ । यही कारण पनि धेरै छोटो समयमा धेरै लिग र फ्रेन्चाइजहरुमा अवसर पाएका हुन् । चौथो संस्करणको एभरेस्ट प्रिमियर लिग (इपिएल)मा भैरहवा ग्ल्याडियटर्सको ट्यालेन्ट हन्ट मार्फत राष्ट्रिय खेलमा अवसर पाएका थापाले नेपाल प्रिमियर लिग, प्रधानमन्त्री कप ९ वटा राष्ट्रिय स्तरका खेलहरू खेलेको जानकारी दिए । शारीरिक अस्वस्थताको कारण दुई वर्ष भारतमा उपचार गरेर फर्केका थापा हाल भैरहवा, नेपालगन्जमा हुने लिगहरूमा भाग लिँदै आएका छन् । पछिल्लो समयमा शक्ति गौचनले प्रशिक्षण दिँदै आएको स्टार क्रिकेट एकेडेमीमा सिक्दै आएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
