२०८१ मंसिर ४स्वर्गद्वारी मन्दिरको पुनर्निर्माण थालिएको छ । स्वर्गद्वारी आश्रमका संस्थापक स्वर्गद्वारी महाप्रभु (हंशानन्द गिरी)को समाधि स्थलमा प्यागोडा शैलीमा मन्दिरको पुनर्निर्माण थालिएको हो ।
स्वर्गद्वारी आश्रमको आफ्नै लगानीमा पुरानो मन्दिरको पुनर्निर्माण गर्न थालिएको आश्रमका मुख्य कोठरी तामु प्रसाद न्यौपानेले जानकारी दिए । सोमबार भूमि पूजा गरी मन्दिरको शिलान्यास गरिएको न्यौपानेले बताए ।
मन्दिर शिलान्यास भए पनि डिपिआरले पूर्णता पाइसकेको छैन । करिब १२ देखि १५ करोड लागतमा मन्दिर निर्माण हुने न्यौपानेले बताए । ‘केही डिजाइनहरू आएका छन् सोही अनुसार निर्माण थालेका हौँ’ न्यौपाने भने, ‘भक्तपुरे इट्टा, सुर्की चुना, काठको पिल्लरको मात्रै प्रयोग हुनेछ ।’
१ वर्ष भित्र निर्माण सम्पन्न गर्ने लक्ष्य सहित शिलान्यास गरिएको मन्दिर निर्माणमा आन्तरिक श्रोत तथा दाताहरूबाट सहयोग लिइने आश्रमले जनाएको छ । मन्दिर निर्माणका लागि १ लाख २५ हजार भन्दा बढी दान दिनेहरूको शिलालेखमा नाम लेख्ने र त्यसभन्दा कम सहयोग गर्नेहरूबाट रसिद दिने व्यवस्था गरिएको न्यौपानेले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
