२०८१ मङ्सिर ९नेकपा (एमाले) झिमरुक गाउँ कमिटिको दोश्रो अधिवेशन आइतबार सम्पन्न भएको छ । अधिवेशनले पदम खड्काको नेतृत्वमा ६५ सदस्यीय समिति चयन भएको नेकपा एमाले प्यूठानका उपसचिव तथा प्रचार विभाग प्रमुख इश्वरा आचार्यले जानकारी दिईन् । कमिटीको उपाध्यक्षमा रामचन्द्र भण्डारी, सचिव निम बहादुर सुनार, उप–सचिव मेख बहादुर सुनार र बसन्त बस्नेत रहेका छन् ।
पार्टीका झिमरुक गाउँपालिका कमिटिका कार्यवाहक अध्यक्ष पदम खड्को अध्यक्षता र नेकपा(एमाले)का पोलिटव्युरो सदस्य तथा प्रतिनिधि सभा सदस्य सुर्य बहादुर थापा क्षेत्रीको प्रमुख आतिथ्यतामा कार्यक्रम सम्पन्न भएको हो । प्रमुख अतिथी थापाले जिल्लाको विकासका लागि वजेटमा पहल गरेका उदाहरणहरु प्रस्तुत गर्दै कार्यान्वयनका लागि समन्वय गरिरहेको बताए । थापाले जिल्लाको विकासका लागि सबै दलको ऐक्यवद्धता हुनु पर्नेमा जोड दिए ।
कार्यक्रममा विभिन्न पार्टीका पालिका स्तरका नेता तथा कार्यकर्ता गरी १६ जना एमालेमा प्रवेश गरेको प्रचार विभाग प्रमुख आचार्यले बताईन । एमालेले प्यूठानमा १५ गतेसम्म सकिने गरी पालिका अधिवेशनको मिति तय गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
