साइन रेसुङगा डेभलपमेन्ट वैंक खलंगा साखाले पर्यटकिय ठाउ बुकिडाडा लाई फोहोर राख्ने डस्वीन उपहार दिएको छ । प्यूठान मल्लरानी गाउपालिकामा पर्ने पर्यटकिय ठाउ बुकिडाडाको फोहोर व्यवस्थापनको लागी वुधवार वैंकको खलंगा साखा प्रमुख बिन्जुन बस्नेतले वैंकको सौजन्यमा बुकिडाडा लाइ ३ वटा डस्वीन हस्तान्तरण गरेका हुन ।

पछिल्लो समय बुकिडाडामा पिकनिक खानेको र पर्यटकहरुको संख्या बढेपछि फोहोर राख्ने ठाउ नभएको हुदा फोहोर व्यवस्थापनको लागी सामाजिक उत्तरदायित्व अन्तरगत ३ वटा स्ट्यान सहितको डस्वीन उपहार दिएको बस्नेतले बताए ।

बुकिडाडामा वैंकका कर्मचारीहरुले यस अघि पनि वृक्षारोपण गरेका थिए । अहिले पुन डस्वीन उपहार दिएपछि फोहोर व्यवस्थापन गर्न सहज हुने स्थानिय नारायण पुनले बताए ।

डस्वीन हस्तान्तरण कार्यक्रममा साइनरेसुङगा बैंक खलंगा शाखाका प्रमुख विन्जुन बस्नेत ,  मल्लरानी गाउँपालिका ३ का वडाध्यक्ष नोमराज पौडेल र बुकेनिका स्थानियहरुको उपस्थित रहेको थियो ।