नौबहिनीमा दोस्रो अध्यक्ष कप-२०८१ शनिवार सम्पन्न भएको छ । बिहिबार देखि शुरु भएको कप अन्तर्गत नौबहिनी गाउँपालिका अन्तर वडा स्तरीय पुरुष तथा महिला भलिबल प्रतियोगिता सम्पन्न भएका छन ।

भलिवलमा पुरुष तर्फ प्रथम नौबहिनी–७, द्वितीय नौबहिनी–५, तृतीय नौबहिनी–३ र सान्त्वना नौबहिनी–२ भएका छन् । प्रथम देखि सान्त्वनालाई क्रमश ६१, ४१, २१ र ११ हजार १ सय ११ रुपैया प्रदान गरिएको छ ।

त्यसैगरी महिला भलिवल तर्फ प्रथम नौबहिनी–१ भएको छ । द्वितीय नौबहिनी–५, तृतीय नौबहिनी–४ र सान्त्वना नौबहिनी–३ भएका हुन् । प्रथम देखि सान्त्वनालाई क्रमशः३१, २१, ११ र ७ हजार १ सय ११ नगद पुरस्कार प्रदान गरिएको छ ।

दुवै खेल तर्फका प्रथम देखि सान्त्वना हुने टिमहरुलाई ट्रफी, मेडल र प्रमाणपत्रको व्यवस्था गरिएको छ । प्रतियोगितामा पालिकाका ८ वटै वडाबाट पुरुष ८ र महिला ८ गरि १६ टिम सहभागी थिए । अन्य सहभागी टिमलाई ५ हजार प्रोत्साहन पुरस्कारको व्यवस्था गरिएको आयोजक खेलकुद विकास समिति नौबहिनीले जनाएको छ । प्रतियोगिता नौबहिनी गाउँपालिकाको सहयोगमा भएको हो ।