२०८१ पौष २८नेपाल आदिवासी जनजाति पत्रकार महासङ्घ (फोनिज) प्यूठानको अध्यक्षमा तेजेन्द्र बुढामगर निर्वाचित भएका छन् । शनिवार प्यूठान नगरपालिका ४ स्थित सूचना केन्द्रमा सम्पन्न छैटौँ अधिवेशनबाट बुढामगरको नेतृत्वमा १३ सदस्यीय नयाँ कार्यसमिति निर्वाचित भएको छ ।
सर्व सहमतिमा निर्वाचित कार्यसमितिको उपाध्यक्षमा सुवास श्रेष्ठ सचिव सुशीला बुढामगर सह सचिव सुरज मगर, कोषाध्यक्ष केदार थापा मगर र सदस्यहरूमा विवश घर्ती मगर स्मृति घर्ती मगर,विष्णु राई, गोमा घर्ती मगर खगेन्द्र थापा मगर, विष्णु पुन, केशव श्रेष्ठ र आइविर थापा मगर निर्वाचित भएका हुन् ।
अधिवेशन उद्घाटन सत्रका प्रमुख अतिथि नौबहिनी गाउँपालिका अध्यक्ष दिल बहादुर थापा मगरले जनजाति पत्रकारले दबिएका आवाजहरूलाई समानान्तर ढङ्गले उठान गर्नुपर्ने बताए । भाषा संस्कृति र मेलमिलापलाई सञ्चारकर्मीहरूले प्राथमिकतामा राख्नु पर्ने बताए ।
कार्यक्रममा पत्रकार महासङ्घका पूर्व अध्यक्षहरू र वर्तमान कार्यसमितिका पदाधिकारी र विभिन्न सञ्चार कर्मीहरूको उपस्थिति रहेको थियो । कार्यक्रममा बोल्ने वक्ताहरूले पछिल्लो समय पत्रकार जगतमा प्रश्न उठ्न थालेको भन्दै यस लाई गम्भीर रूपमा दिएर पेसाको मर्म अनुसार समाज रूपान्तरणमा लाग्नु पर्नेमा जोड दिएका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
