मल्लरानी गाउपालिका वडा नं. ३ मा २ महिने व्यूटीपार्लर तालिम सम्पन्न भएको छ । गरिवी निवारणका लागि लघुउद्यम विकास कार्यक्रममार्फत स्थानीय महिलाहरुलाई व्यूटी पार्लर सम्बन्धि सिपमुलक तालिम दिईएको हो ।

गाउपालिकाका अध्यक्ष कृष्ण बहादुर खड्काको प्रमुख आथित्यतामा समापन कार्यक्रम गरि तालिमका सहभागीलाइ विदाइ गरेको मल्लरानी गाउपालिका ३ का वडाध्यक्ष नोमराज पौडेलले जानकारी दिए । पौडेलले सिप सिकेका महिलाहरुलाई उद्यमसिलतामा जोडिन चाहे बैंकबाट सहुलियतमा ऋण उपलब्ध गराउन सहयोग गर्ने बताए ।

यहि अवधिमा वडामा चप्पल बताउने तालिम र डल बनाउने तालिम समेत संचालन गरिएको वडाअध्यक्ष पौडेलले बताए । गरिबी निवारणका लागि लघुउद्यम विकास कार्यक्रम अन्तरगत मल्लरानी गाउँपालिकाले ३ लाख २२ हजार वजेट विनियोजन गरेको थियो । सोहि बजेटबाट मल्लरानी ३ का महिलालाई व्यूटिपार्लर, चप्पल बनाउने र डल बनाउने तालिम दिईएको उद्यम विकास सहजकर्ता फुलमाया विक ले बताईन । उनका अनुसार प्रत्येक तालिममा ८ जनाका दरले २४ जना महिलाले तालिम लिएका छन् । तालिमका सहभागीहरुले स्थानिय स्तरबाटै उद्यमसिल तालिम लिन पाउदा खुसी व्यक्त गरेका छन ।