नौवहिनी गाउँपालिकाको आर्थिक वर्ष २०८१/०८२ को दोश्रो चौमासिकको सार्वजनिक सुनुवाई कार्यक्रम सम्पन्न भएको छ । सोमबार नौवहिनी गाउँपालिका वडा नं. ३ को कार्यालय सारीवाङ्ग सार्वजनिक सुनुवाई सम्पन्न भएको हो ।

वडा नं. ३ का वडाअध्यक्ष दिल बहादुर केसी को अध्यक्षतामा भएको सार्वजनिक सुनुवाई कार्यक्रममा सेवाप्रदायक निकाय नौवहिनी गाउँपालिकाको तर्फबाट प्रमुख जवाफदेहि बक्ताको रुपमा नौवहिनी गाउँपालिका अध्यक्ष दिल बहादुर थापाले सहभागिबाट उठेका प्रश्नको जवाफ दिएका थिए ।

चालु आर्थिक वर्षको दोश्रो चौमासिक सम्म नौवहिनी गाउँपालिकामा भएको आर्थिक प्रगति प्रतिवेदन आर्थिक प्रशासन शाखा प्रमुख गिर बहादुर घर्ती, गाउँपालिकाको दोश्रो चौमासिक सम्मको प्रगति प्रतिवेदन प्रमुख प्रशासकीय अधिकृत शिवराज पौडेल र नौवहिनी गाउँपालिका वडा नं. ३ को हालसम्मको प्रगति विवरण वडा सचिव शान्ती कुमारी पुनले प्रस्तुत गरेका थिए । सार्वजनिक सुनुवाईपूर्व संकलित बर्हिगमित प्रतिवेदन र नागरिक प्रतिवेदनको एकिकृत प्रतिवेदन झुलेनी पोष्टका सम्पादन हरि प्रसाद भण्डारीले प्रस्तुत गरेका थिए ।

सहभागिबाट उठेको प्रश्नको जवाफ सूचना प्रविधि शाखा प्रमुख मेघराज बोहरा, रोजगार संयोजक पर्वत केसी, योजना तथा प्रशासन शाखा प्रमुख अरविन्द्र वर्मा, प्रमुख प्रशासकीय अधिकृत शिवराज पौडेल, गाउँपालिका अध्यक्ष दिल बहादुर थापाले दिएका थिए ।

सार्वजनिक सुनुवाईमा उठेका सरोकारका विषयको समिक्षा सहित टिप्पणी नेपाल पत्रकार महासंघका पूर्व अध्यक्ष गिरुप्रसाद भण्डारी गरेका थिए भने, कार्यक्रममा उठेका विषयको टिपोट झुलेनी युनाईटेड नेटवर्कका कार्यकारी निर्देशक दीपा घर्ती र नेपाल पत्रकार महासंघ प्यूठानका सहसचिव बोम बहादुर परियार लगायतले गरेका थिए ।