News Portal

रेडियो सुन्नुहोस्

छेडियो नंगेनीभिर, खुल्यो मैरामारे–जुम्रीकाँढा सडक

झुलेनी नेटवर्क२०८२ जेठ ९
१६२५ पटक
२०८२ जेठ ९

प्यूठानको नौबहिनी गाउँपालिका–७,को मैरामारे देखि प्यूठान नगरपालिका–५ जुम्रीकाँढा सडक ट्याक ओपन भएको छ । स्थानीयले चन्दा सङ्कलन गरेर थालेको सडक १२ वर्षपछि खुलेपछि स्थानीय हर्षित छन् ।

वर्षौँदेखि खाम्म्रीबास स्थित नंगेनीभिरको पहरो छेड्न नसकेर अड्केको सडक ब्रेकरले पहरो फोरेपछि खुलेको नौबहिनी गाउँ‘पालिका ७ का वडाध्यक्ष रोम प्रसाद बुढाथोकीले बताए ।

उनले सडक निर्माणपछि  मैरामारे, खाम्म्रीबास क्षेत्रका स्थानीयलाई जिल्ला अस्पताल बिजुवार पुग्न र उपभोग्य बस्तु ओसारपसारमा सहजता हुने बताए । रोल्पाको सिर्प, जुतुङखोलाका स्थानीयले समेत सडकबाट लाभ लिने उनले बताए ।

मैरामारेदेखि खाम्म्रीबाससम्म सडक खोल्न गाउँ‘पालिकाले विभिन्न पटक गरी झन्डै १ करोड ५० लाख रुपैयाँ खर्च गरेको वडाध्यक्ष बुढाथोकीले बताए ।   पालिकाको यस वर्ष १९ लाख रुपैयाँ विनियोजन गरेर ठेक्का मार्फत सडकमा काम गरेको प्रमुख प्रशासकीय अधिकृत शिवराज पौडेलले बताए ।

स्थानीयले पैदल नुन बोक्ने सडक मोटर गुड्ने बनाउने भन्दै स्थानीय २०७८ सालमा ५÷५ हजार चन्दा सङ्कलन गरेर बाटो निर्माण थालेका थिए । सडकको शुक्रवार एक कार्यक्रम गरी पालिका अध्यक्ष दिलबहादुर थापाले उद्घाटन गरेका छन् । सडक खुलेपछि क्षेत्रका स्थानीय हर्षित भएर नाचगान गरेको  थापाले बताए । ‘पालिकाको दुर्गम बस्तीमा पुग्ने सडकको ट्याक ओपन भएको छ,’ थापाले भने,‘नियमित सवारी चल्ने सडकको लागि पहल गरिने छ ।’ सडक खुलेर स्थानीयको वर्षौँको सपना पूरा भएको स्थानीय मोतीराम बुढाथोकीले बताए ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...