News Portal

रेडियो सुन्नुहोस्

ट्रयाकओपन भयो बाग्दुला–खैरा वैकल्पिक मार्ग

गिरुप्रसाद भण्डारी  २०८३ जेठ ०७
६९२ पटक
 २०८३ जेठ ०७

क्वाडी–बिजुवार–बाग्दुला सडकमा हुने सवारी चॉपलाई मध्यनजर गर्दै निर्माण थालिएको झिमरुक पारी नदी किनारैकिनारको सडक ट्रयाकओपन भएको छ । बेलुवा–खैरा–बाँसखोला–बाँझबारी सारीबाङ सडक ट्रयाकओपनको काम अन्तिम चरणमा पुगेको सडक डिभिजन कार्यालय प्यूठानले जनाएको छ ।

निवर्तमान संघीय सांसद सूर्य थापाले निर्वाचन क्षेत्र विकास कार्यक्रम मार्फत सिफारिस गरेर २०८१÷०८२ बाट सडक निर्माण थालिएको हो । सडकमा हालसम्म झण्डै ९ करोड रुपैयॉ खर्च भएको सडक डिभिजन कार्यालय प्यूठानले जनाएको छ । सुरुको वर्ष खैरादेखि ढाँडसम्म ३ करोड त्यसपछि ३÷३ करोडका दुई प्याकेज बनाइ बाग्दुलासम्मको लागि ठेक्का भएको सडक डिभिजन कार्यालय प्यूठानका प्रमुख दिपक सुनारले बताए ।


ट्रयाकओपन, नाली निर्माण, जाली, पलम, मेसिनरीवाल लगायतका काम भएको कार्यालयले जनाएको छ । कार्यालयका अनुसार खैरादेखि सारीबाङसम्म झण्डै ६ किलोमिटर सडक निर्माण भएको छ । कुनै कुनै स्थानमा ५ मिटर र धैरैजसो स्थानमा १० मिटर चौडा सडक निर्माण गरिएको निर्माण व्यवसायी लेकाली निर्माण सेवाका सञ्चालक सुनिल शाही लेकालीले जानकारी दिए । ‘बाँझबारी–सारीबाङ खण्डको काम सबै पूरा भएको छ,’ शाहीले भने, ‘सारीबाङदेखि बाग्दुलासम्म थोरै जग्गा विवादले गर्दा रोकिएको छ ।’ सारीबाङ झोलुङ्गे पुलदेखि खलंगा जाने पक्की सडकसम्म पहिले निर्माण भएको सडकसँग जोडिएकाले बाग्दुलाबाट खैरा यात्रा गर्न सकिने शाहीले बताए ।

बाग्दुलाबाट खैरा नदी किनारै किनार यात्रा गर्न सकिने भएको प्यूठान नगरपालिका वडा नम्बर–४ का वडाध्यक्ष रेशम कार्कीले बताए । ‘सडक निर्माणले बिजुवार क्षेत्रको सवारी चाँपलाई सहज बनाउने छ,’कार्कीले भने,‘अब झिमरुक वारीका खैरा, ढाँड, बाँसखोला, थापाडाँडा, कार्कीडाँडा, सारीबाङ क्षेत्रका स्थानीयलाई सहज हुने छ ।’

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...