जिल्लाका ८ मतदान स्थलका १२ वटै मतदान केन्द्रमा मतदान सुरु भएको छ। ३ वर्डा अध्यक्षका लागि २ स्थानिय तहमा निर्वाचन हुन लागेको हो। सवै स्थानमा शान्तिपुर्वक समयमै मतदान सुरू भएको मुख्य निर्वाचन अधिकृत विष्णुप्रसाद गौतमले वताए।

मतदानका लागि लाईनमा लामवद्घ मतदाताहरु, तस्विर:वासुदेव गिरी(पत्रकार)

ऐरावती गाउँपालिका वडा नम्वर १ दाङवाङ, २ वरौला र प्यूठान नगरपालिका वडा नम्वर २ दाखाक्वाडीमा निर्वाचन हुन लागेको हो । ३ वडावाट ८ हजार ३ सय ४६ मतदाताले ७ जना उम्मेद्वारका लागि मतदान गर्दैछन्।

ऐरावती १ मा २ हदार ५ सय ४५ र २ नम्वरमा २ हजार ७ सय ८० गरी कुल ५ हजार ३ सय २५ मतदाता ऐरावतीमा रहेको निर्वाचन अधिकृत चन्द्रदेव भारतीले बताए ।

ऐरावती १ मा वालशिक्षा प्रा वि का २ केन्द्रवाट ११ सय ४५, दाङवाङ माविवाट ८९६ र दाङवाङ प्रा वि मतदान केन्द्रवाट ५०४ मतदाताले मतदान गर्नेछन्।

ऐरावती २ मा मोति मावि मतदान स्थलका २ केन्द्रवाट १२००, जनकल्याण आ.वि. वाट ७८७ र रत्नेश्वरी प्रावि केन्द्रवाट ७९३ जना मतदाताले मतदान गर्नेछन्।
प्युठान नगरपालीका २ मा वडहरपाटा मतदान स्थलका २ केन्द्रवाट १८५० र जानकि मा वि का २ केन्द्रवाट १ हजार १ सय ७१ मतदाताले मतदान गर्नेछन।