प्यूठान जिल्ला स्वर्गद्वारी नगरपालिका वडा नं २ स्वर्गद्वारी धरमपानीको जंगलमा कुहिएको अवस्थामा रहेको शव फेला परेको छ ।
गाउँका स्थानीय मान्छेहरु जंगलमा कोइराल टिप्न जादा देखेपछि प्रहरीलाई खवर गरेका थिए खवर प्राप्त भए लगत्तै प्रहरी घट्ना स्थलमा पुगेको थियो ।घट्ना स्थलमा पुगेर शवको विषयमा अनुसन्धान गर्दा मृतक व्यक्ती स्वर्गद्वारी नगरपालिका वडा नं ७ बेल्बास नल्सी निवासी ३५ वर्षि थमुराम कालाथोकी रहेको प्रहरीले जानकारी दिएको छ ।

कालाथोकी मानसिक सन्तुलन ठिक नभएकाले उपचारको क्रममा घोराही गएको र त्यहाँ देखि फर्किदै गर्दा शिवरात्रीको दिन देखि उनी सम्पर्कविहिन भएको पारिवारिक स्रोतले बताएको छ ।
उनी परिवारको सम्पर्क बाहिर भइसकेपछि आफन्तले प्रहरीमा खोजी गर्नको निम्ति उजुरी दिएका थिए तर उनी फेला परेका थिएनन् आज उनको शव कुहिएको अवस्थामा भेटिएपछि वडा नं २ का जनप्रतिनिधी र प्रहरीको रोहवरमा परिवारलाई जिम्मा लगाइएको २ नम्वरका वडा सदस्य विष्णु खनालले जानकारी दिनुभएको छ ।