प्यूठान, काखमा २८ दिने दुधे वालक छन्। महिना दिन नपुगेकी सुत्केरी कामनाको मुहार मलिन छ। भर्खरका युवा श्रीमान निन्याउरो र चिन्तित मुद्रामा अस्पतालको बेडको छेउमा संगै देखिन्छन्।
प्युठानको गौमुखी गाउँपालिका वडा नं. २ अर्खा निवासी ज्ञान बहादुर राना आफ्नो २८ दिनको बिरामी सुत्केरी श्रीमती कामना रानालाई लिएर जिल्ला अस्पताल प्युठान आउनुभएको हो।
सुत्केरी श्रीमतीको स्वास्थ्यमा एक्कासी समस्या देखिएपछि अर्खाबाट जसोतसो गरेर एम्बुलेन्समा जिल्ला अस्पताल बिजुवारमा आईपुगेका ज्ञानबहादुरलाई श्रीमतीको उपचार कसरी गर्ने भन्ने चिन्ता छ। नत उनी संग उपचार गर्ने पैसा नै छ नत एक छाक गाँसको व्यवस्था गर्ने उपाय नै छ।
प्युठानको बाग्दुलामा ज्यामी काम गर्दै आउनुभएका ज्ञानबहादुरले कोभिड १९ का कारण काम गर्न पाउनुभएको छैन्। बन्दाबन्दीका कारण काम गर्न नपाएपछि उहाँहरुलाई दैनिक छाक टार्न समेत मुस्किल परिरहेको छ। त्यसै माथि सुत्केरी भएको महिना दिन नपुगेकी श्रीमती बिरामी पर्दा झनै पिडा थपिएको छ।
जिल्ला अस्पताल बिजुवारमा कार्यरत नर्सिङ इन्चार्ज राधा के.सीले अल्टा«साउण्ड गर्न विल काट्न लगाएपछि उनीहरुले पैसा नभएर विल काट्न सकेनन्।
अस्पतालमा यस्तो विरामी त धेरै आउँछन् तर एक महिनाको सुत्केरीको उपचारको लागि चार पाँच सय रुपैयाँ समेत नभएर तड्पिएको देख्दा असाध्यै मन खिन्न हुन्छ नर्स के.सीले भन्नुभयो–“ औषधीको पैसा नर्सिङ स्टाफ मिलेर मिलाउने सोचेका छौं।” बिरामी कामनाको स्तनमा समस्या भएको र चिन्ताले मानसिक समस्या समेत देखिएको नर्स के.सीले बताउनुभयो।
जिल्ला अस्पतालमा ५ दिन देखि भर्ना भई उपचार गराईरहेकी सुत्केरी कामनाले राम्रो पोषणयुक्त खाना खाने कुरा त परै जाओस घरमा साँझ बिहानको छाक कसरी टार्ने भन्ने चिन्ता छ। काखमा २८ दिनको छोरा च्यापेकी कामनाले आँखाभरि आँसु लिदै भन्नुभयो–“ एम्बुलेन्सको पैसा र होटलको पैसा तिर्न पाए जान हुन्थ्यो तर घर जाने पनि भाडा समेत छैन ,कसरी जाने।”
ज्यामी काम गर्ने ज्ञानबहादुरले काम गर्ने ठाउँबाट काम गरेको पुरै पैसा पनि नपाएको बताउनुहुन्छ। उनीहरुलाई कोभिड – १९ को सन्त्रास भन्दा पनि भोकभोकै मरिन्छ कि भन्ने चिन्ता वढी छ। प्रेम विवाह गरेका ज्ञानबहादुरको घरमा परिवारिक सहयोग नभएको बताउनु हुन्छ। बन्दाबन्दीले काम गर्न नपाउँदा आफुलाई घरखर्च चलाउन निकै समस्या परेको उहाँले बताउनुभयो।
सानै उमेरमा विवाह गरी बच्चा जन्माएकी कामनाको उपचारपछि स्वास्थ्यमा सुधार हुँदै गएको उपचारमा संलग्न डा. सुनिल सुनारले जानकारी दिनु भयो । सुत्केरी अवस्थामा पनि घर परिवारबाट कुनै पनि सहयोग नपाएपछि माइती घर रोल्पा जान आफुले चाहेको कामनाको भनाई छ। माइती घर जाने व्यवस्था मिलाईदिन कामनाले आग्रह समेत गर्नुभयो।
बन्दाबन्दीले दिएको सुत्केरीको पिडा
दीपा पौडेल १२ जेठ २०७७
१२ जेठ २०७७जिल्ला अस्पताल विजुवारको विद्युत समस्या हलहुने (भिडियो सहित)
जिल्ला अस्पताल बिजुवारमा नयाँ विद्युत लाइन जडान गरिएको छ । अस्पतालमा प्रयाप्त विद्युत प्रभाह नभएका...
प्यूठानमा आगलागीमा संलग्न ४ जना पक्राउ
आगलागीमा संलग्न भएको आरोपमा ४ जना पक्राउ परेका छन् । डिभिजन वन कार्यालय प्यूठानका अनुसार...
हिमालयन लाईफ इन्स्योरेन्स लिमिटेड प्यूठान शाखाले गऱ्यो मृत्यु दाबी भुक्तानी
हिमालयन लाईफ इन्स्योरेन्स लिमिटेड प्यूठानले मृत्यु दाबी भुक्तानी गरेको छ । शनिबार हिमालयनले माण्डवी गाउँपालिका...
निःशुल्क दन्त रोगबाट लिघामा ६६ जनाले लिए सेवा
नौबहिनी गाउँपालिका २ लिघामा १ दिने दन्त रोग सम्बन्धि निःशुल्क शिविर सम्पन्न भएको छ ।...
गुल्मीको बाल बिकास प्रा विमा श्रीमती तोयासराको नाममा अक्षकोष स्थापना
गुल्मी जिल्लास्थित अग्लुङ्गमा रहेको बाल विकास प्रा वि मा तोयासरा मल्ल स्मृति अक्षयकोष स्थापना गरिएको...
- हिमालयन लाईफ इन्स्योरेन्स लिमिटेड प्यूठान शाखाले गऱ्यो मृत्यु दाबी भुक्तानी
- नेपाली हर्ट ग्रुपको ११४ औं सहयोगार्थ कार्यक्रम कैलालीमा सम्पन्न
- प्यूठानमा ८४ जना शिक्षकले पाए नियुक्ति
- स्वास्थ्य चौकिबाटै २१ जना गर्भवती महिलाले भिडियो एक्सरे गराए
- नयाँ तथा पुराना किताबहरु संकलनका लागि समिति गठन
- प्यूठानमा ६ दिने आधारभुत स्काउट तालिम सुरु
- ६७ औं राष्ट्रिय सहकारी दिवस प्यूठानमा पनि मनाईयो
- स्वर्गद्धारी ८ धन्चौरमा गाडी दुर्घटना हुँदा ५ जना घाईते
- पार्टीलाई बलियो बनाउन जनताप्रतिको विश्वास टुटाउन हुन्न : सांसद चौधरी
- प्रथम प्यूठान माण्डवी महोत्सव आजबाट सुरु