प्युठान, प्युठानबाट निर्वाचित प्रतिनिधि सभा सदस्य दुर्गा पौडेलको सचिवालयमा काम गर्ने तथा अखिल छैठौंका केन्द्रिय सचिव सुवास जि.सीले जिल्लाका पत्रकारहरुलाई अपमानित हुने गरि सामाजिक सञ्जाल फेशबुक मार्फत गाली बेइजत गरेको बिषयमा प्युठानमा क्रियाशिल पत्रकारहरुका पेशागत संगठनहरुले ध्यानाकर्षण भएको जनाएका छन्।

संयुक्त बिज्ञप्ती निकाल्दै माननीय ज्यूको सचिवालयमा काम गर्ने तथा अखिल छैठौंको केन्द्रिय सचिव जस्तो ब्यक्तिले घृणित शब्दमा पत्रकारलाई गाली गरेकोमा गम्भिर आपत्ति समेत प्रकट गरेका छन्।

प्रेस संगठन नेपाल जिल्ला शाखा प्युठानका संयोजक नोमराज पौडेल, नेपाल प्रेस युनियन प्युठानका उपाध्यक्ष मधुसुदन भण्डारी, प्रेस नेपाल प्युठानका संयोजक राम बहादुर विश्कर्मा र क्रान्तिकारी पत्रकार संगठन प्युठानका सचिव मधुसुधन पोख्रेलको संयुक्त हस्ताक्षर रहेको विज्ञप्तीमा समाचारमा सांसद दुर्गा पौडेलको नाम नआएको भन्दै घृणित शब्दमा गालीगलोज गर्नु गैर कानुनी कदम भएको समेत बताईएको छ। बिज्ञप्ती मार्फत यस्ता गतिबिधिबाट कत्तिपनि बिचल्ली नभई दृढतापुर्वक समाचार प्रकाशन प्रसारण गर्न सबै पत्रकारहरुलाई आग्रह समेत गरिएको छ।
जारी गरिएको बिज्ञप्ती