नोमराज पौडेल३१ वैशाख, २०७८/ प्यूठान
३१ वैशाख, २०७८/ प्यूठानखानेपानी मन्त्री मणिचन्द्र थापा र प्रधानमन्त्रीका प्रेस सल्लाहकार सुर्य थापाको पहलमा प्यूठानमा अक्सिजन सहित अत्यावस्यक स्वास्थ्यसामाग्री भित्रिएको छ।
कोरोना भाईरसको महामारीमा संक्रमितको उपचारमा आवश्यक पर्ने अक्सिजन १२ सिलेन्डर सहित विभिन्न सामाग्री प्रमुख जिल्ला अधिकारीलाई हस्तान्तरण गरिएको छ। २३ हजार सर्जिकल मास्क, ७५ लिटर सेनिटाईजर, ग्यास सन्सेन्टर ५ थान लगायत सामाग्र खानेपानी मन्त्री थापाका स्वकिय सचिव राजेन्द्र गौतम, विष्णु वि.सी. अनेरास्ववियू उपत्यका ईन्चार्ज धर्म गिरीले प्रमुख जिल्ला अधिकारी खिमराज भुषाललाई हस्तान्तरण गर्नुभएको हो।
प्रमुख जिल्ला अधिकारी भुषालले संकटको समयमा महामारीसंग जुध्न अत्यावस्यक सामाग्री सहयोग गरेकोमा धन्यवाद व्यक्त गर्नुभयो। साथै जिल्लामा अक्सिजनको समस्या रहेकाले उक्त विषयमा पहल गर्न आग्रह गर्नुभयो।
