न्युनतम पारिश्रमिक कार्यन्वयनका लागि सञ्चारमाध्यम बलियो हुनुपर्ने जिल्लास्थित सरोकारवालाहरुले वताएका छन् ।

जुम्रिमा आयोजित कार्यक्रममा वोल्दै जिल्लाका मिडिया सञ्चालकहरुले अहिलेपनि मोफसलमा सञ्चालित स्वरोजगारमुलक मिडियाहरुले न्युनतम पारिश्रमिक कार्यन्वयन गर्नसक्ने अवस्था नरहेको वताएका छन् । त्यसका लागि सरकारले मिडियामा लगानी वढाउनुपर्नेमा उनिहरुले जोड दिए ।

नेपाल सरकार, न्युनतम पारिश्रमिक निर्धारण समितीको आयोजनामा जुम्रिमा जिल्लास्तरिय अन्तरक्रिया सम्पन्न भएको छ । न्युनतम पारिश्रमिक निर्धारण समितीका सदस्य गिरुप्रसाद भण्डारीको अध्यक्षता र प्यूठान नगरपालिकाका मेयर अर्जुनकुमार कक्षपतीको प्रमुख आथित्यतामा कार्यक्रम सम्पन्न भएको हो । कार्यक्रममा वोल्दै मेयर कक्षपतीले सञ्चारमाध्यमको स्तरवृद्घी र पत्रकारको क्षमतावृद्घीका निम्ति स्थानिय सरकारले लगानि गर्ने वताउनु भयो। न्युनतम पारिश्रमिक निर्धारण समितिका सदस्य भण्डारीले निर्धारण समितिले सञ्चारमाध्यमको देशव्यापी अनुगमन गरि न्युनतम पारिश्रमिकको कार्यन्वयन गर्ने वताउनु भयो ।

कार्यक्रममा नेपाल पत्रकार महासंघका केन्द्रीय सदस्य सुशिल पोख्रेल, नेपाल पत्रकार महासंघ लुम्विनी प्रदेश संस्थापक उपाध्यक्ष दीपा घर्ती, जिल्लाअध्यक्ष सञ्जय रिजाल र जिल्लाका मिडिया सञ्चालक र पत्रकारहरुको उपस्थिती रहेको थियो।