जिल्लामा लामो समयदेखि स्वास्थको क्षेत्रमा काम गर्दै आएको आड्रा नेपालले प्युठान अस्पताललाई स्वास्थ सामग्री सहयोग गरेको छ । कोभिड १९ रोकथाम र स्वास्थकर्मिलाई सहयोग पुग्ने गरि बिहिबार अस्पताललाई सामाग्री हस्तान्तरण गरेको आड्रा नेपाल प्युठानकी कार्यक्रम प्रमुख तिर्सना दाहालले जानकारी गराइन ।

उनका अनुसार पछिल्लो समय पुन जिल्लामा कोरोना संक्रमित बढेसंगै अस्पताललाई सहयोग पुग्ने गरि अक्सिमिटर २ थान ,नेबुलाईजर २ थान , सेनिटाईजर ५० थान , फेसियल ५०० थान , ग्लब्स ५०० , सर्जिकल मास्क १०००थान , के एन ९५ मास्क १०० थान , थर्मोगन २ थान लगायतका सामाग्री अस्पताललाई हस्तान्तरण गरिएको हो । यस्तै यसअघी देशका बिभिन्न अस्पतालहरुमा पनि यो संस्थामार्फत सहयोग प्रदान गरीदै आएको थियो ।

जिल्लामा अहिले ५ जना कर्मचारी रहेको र संस्थाका कर्मचारीहरुले महामारिको समयमा गाउ गाउमा गर्भवती महिलाहरुका लागि घरमै पुगेर प्रसुति जाच सेवा , कोरोना संक्रमित हरुलाइ काउन्सिलिङ , स्वास्थ संस्थाले चलाउने गाउघर क्लिनिकमा सहयोग , कोभिड भ्याक्सिन लगाउन सहयोग, कोभिड संग सम्बन्धित हरेक कार्यक्रम हरुमा सहजीकरण गर्दै आएको संयोजक दाहालले जानकारी दिइन ।

त्यस्तै प्युठान अस्पतालका प्रमुख मेडिकल सुपरिटेन्डेन्ट डाक्टर नबिन दर्नालले महामारीको समयमा अस्पताललाई स्वास्थ सामाग्री सहयोग प्रदान गरेकोमा सहयोगी सस्थालाई धन्यवाद दिए । बिभिन्न संघ सस्था , स्थानीय निकाय, नागरिक समाज लगायत प्युठान बासिको सकारात्मक सहयोग रहे अस्पतालबाट दिईने सेवा सुबिधा थप प्रभावकारि रहन सक्ने दर्नालको भनाई छ ।