News Portal

रेडियो सुन्नुहोस्

प्रधानमन्त्रीको चीन भ्रमण, यी सम्झौतामा हस्ताक्षर हुँदै

सिखबर संवाददाता१ असार
११५४ पटक
१ असार

काठमाडौं । प्रधानमन्त्री केपी ओलीको चीन भ्रमणका क्रममा करिब एक दर्जन सम्झौतामा हस्ताक्षर गरिने भएको छ ।

असार ५ गतेबाट हुने भ्रमणमा अधिकांश सम्झौता उर्जा र यातायात (कनेक्टिभिटी)सँग सम्बन्धित हुनेछन् । दुबै देशका निजी क्षेत्रका परियोजनामा पनि सम्झौता हुने छ ।

परराष्ट्रमन्त्री प्रदीप ज्ञवालीका अनुसार दुई वर्षअघि प्रधानमन्त्री केपी शर्मा ओलीको भ्रमणका क्रममा भएका सम्झौताहरुको कार्यान्वयन पक्षमा छलफल हुनेछ । भ्रमण बिगतको सहमति कार्यान्वयनमा केन्द्रित हुने भन्दै सीमापार विद्युत प्रसारण लाइन, रेलवे र उर्जासँग सम्बन्धित सम्झौता हुने बताए ।

पुनर्निर्माणको क्षेत्रमा चिनियाँ सहयोगको द्विपक्षीय समझदारी र परराष्ट्र मन्त्रालयस्तरीय संयन्त्रको समझदारीमा पनि हस्ताक्षर हुनेछ । रसुवागढीमा चीनले बनाइदिन लागेका दुईवटा पुल र ‘ट्रान्जिट ट्रान्सपोर्ट’ सम्बन्धी प्रोटोकलमा भने यस पटक सम्भव नभएपछि हस्ताक्षर गरिने मन्त्री ज्ञवालीले जानकारी दिए ।

भ्रमणकै क्रममा निजी क्षेत्रबीच ऊर्जा र कृषिक्षेत्रको विकासमा सम्झौता हुनेछ । नेपालको बुटवल पावर कम्पनी र चीनको सिचुवानस्थित एससीआइजी कम्पनीबीच मर्सयाङ्दीका विभिन्न स्थानमा गरि एक हजार मेगावाट विद्युत उत्पादन गर्ने सम्झदारीमा हस्ताक्षर हुनेछ । नेपालको सातै प्रदेशमा आपतकालिन प्रकोप उद्धार संयन्त्र निर्माणका लागि पनि सम्झौता हुने सम्भावना छ ।

प्रधानमन्त्री ओली नेतृत्वको प्रतिनिधिमण्डल असार ५ गते काठमाडौंबाट बेइजिङ पुग्नेछ भने सोही साँझ नेपाली दूतावासमा आयोजित स्वागत समारोहमा प्रधानमन्त्री सहभागी हुने छन् । असार ६ गते त्यहाँको ब्यापारिक समुदायसँग अन्तरक्रिया हुने, सोही दिन नेपाली उद्यमी व्यवसायी र चीनको सीसीपिआइटी बीचको छलफल उर्जा कृषि सम्बन्धि निजी क्षेत्रका परियोजनामा हस्ताक्षर हुनेछ ।

असार ७ गते प्रधानमन्त्रीस्तरीय वार्ता र सम्झौतामा हस्ताक्षर, पत्रकार सम्मेलन र राष्ट्रपति सी जिनपिङसँग प्रधानमन्त्रीको भेटवार्ता हुनेछ । प्रधानमन्त्री ओली असार ८ गते चीनको स्वशासित क्षेत्र तिब्बत हुँदै १० गते नेपाल फर्कने बताइएको छ ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...