२०७८ असौज १५, प्यूठानज्येष्ठ नागरिकहरुलाइ स्याहार गर्ने स्याहारकर्ताहरुलाइ शुक्रवार विजुवारमा सम्पन्न गरिएको छ । ३१ औं अन्तरास्ट्रिय ज्येष्ठ नागरिक दिवस २०७८ को अवसरमा प्यूठान नगरपालिका नगर स्तरिय ज्येष्ठ नागरिक सञ्जाल समितिले उनिहरुलाइ सम्मान गरेको हो । कार्यक्रममा प्युठान नगरपालिका भित्रका आफ्ना अभिभावकको स्याहारमा मुख्य भुमिका खेल्ने स्याहारकर्ताहरु सहभागि थिए । नगरपालिका अन्तर्गतका १० वटा वडाका २/२ जना महिला तथा पुरुष स्याहारकर्ता लाई दोसल्ला ओढाएर सम्मान गरीएको हो । सम्मानित हुनेहरुलाइ करुवा र सम्मान पत्र दिइएको थियो ।
घरका आफ्ना अभिभावकलाइ स्याहार गर्नु आफ्नो दायित्व र कर्तव्य हुने भएपनि हौसलाका लागि सम्मान गरीनु आफुहरुलाइ उत्साह मिलेको सम्मानित हुनेहरुले बताएका थिए । कार्यक्रममा प्यूठान नगरपालिका नगर प्रमुख अर्जुन कुमार कक्षपतिको प्रमुख आतित्थ्यता रहेको थियो भने उपप्रमुख शान्ता आचार्य विशिष्ट अतिथिको रुपमा थिइन । संजालका अध्यक्ष देवराज गौतमको अध्यक्षतामा सम्पन्न कार्यक्रममा ज्येष्ठ नागरिक संघ प्युठानका अध्यक्ष गेहराज पण्डित, वयोवृद्ध तथा अनाथ संरक्षण मञ्चका उपाध्यक्ष पदम प्रसाद पोख्रेल, पत्रकार महासंघ सन्जय रिजाल लगायतका बक्ताहरुले सहभागीहरुलाइ मन्तब्य राखेका थिए । प्यूठान नगरपालिकाले कार्यक्रम सन्चालनका लागि आर्थिक सहयोग गरेको थियो ।
