निजामती कर्मचारी संगठन जिल्ला कार्यसमिती प्यूठानले क्यान्सर पिडितलाई सहयोग रकम हस्तान्तरण गरेको छ । संगठनले आफ्नो ३२ औ स्थापना दिवसको अवसर पारेर जिल्ला प्रशासन कार्यालय प्यूठानमा कार्यरत कर्मचारी सगुन शाक्यकी धर्मपत्नी कृष्णा अधिकारीको उपचार खर्च स्वरुप ३० हजार रुपैया प्रदान गरको संगठनका उपाध्यक्ष भक्तराज गिरीले जानकारी दिए ।

संगठनले प्यूठान जिल्लाका प्रमुख जिल्ला अधिकारी सुनिता नेपाललाई सहयोग रकम हस्तान्तरण गरेको हो । अधिकारीलाई स्तनको क्यानसर देखिए लगत्तै प्रमुख जिल्ला अधिकारी सुनिता नेपालले पिडित महिलाको लागि संगठन समक्ष सहयोगको आह्वान गरेकी थिइन । सोही अनुसार रकम उपलब्ध गराएको संगठनका उपाध्यक्ष गिरीले बताए ।

निजामती कर्मचारी संगठन जिल्ला कार्यसमिती प्यूठानका उपाध्यक्ष भक्तराज गिरिको अध्यक्षता र संगठनका निवर्तमान अध्यक्ष टुकवहादुर रोकाको प्रमुख आथित्यता, सचिव पिताम्वर भण्डारी र केन्द्रिय प्रतिनिधी नारायणी पोख्रेलको विशेष आथित्यतामा कार्यक्रम सम्पन्न भएको छ । कार्यक्रमको सञ्चालन जिल्ला कार्यसमिती प्यूठानका सचिव सागर पण्डितले गरेका थिए ।