प्युठान जन्मजात नै नबजात शिशुको कम्मर पछाडिको भागमा मासु पलायपछि परिवारले उपचारका लागि आर्थिक सहयोग अपिल गरेका छन ।
प्युठानको नौबहिनी गाउपालिका ५ डामृ कि २३ वर्षिय सुत्केरी महिला चमिला थापा छेत्रीले आफ्नो नबजात शिशु लाई बचाउन सहयोगको अपिल गरेकी हुन ।
उनले गत चैत्र २० गते प्युठान अस्पतालमा बच्चा जन्माएकी थिईन ।

नबजात शिशुको शरिरमा यस्ताे समस्या देखिएपछी डाक्टरले काठमाण्डौ लैजानका लागि आग्रह गरेका थिए ।  आर्थिक अभाबका कारण चमिलाले आफ्नो बच्चालाई फर्काएर घर लैजानु परेको थियो ।
अहिले उनिहरु प्युठानको पुण्ययखोला स्थित गाउका आफन्त भिम बहादुर रोका छेत्रीको कोठामा बस्दै आएका छन । गत मंसिर १९ गते आफ्नो श्रीमान समेत गुमाएकी चमिलाको साथमा अहिले बुढी सासुआमा हुनुहुन्छ । अहिले उनलाई नजिकबाट सहयोग गर्ने भनेको गाउका भिम बहादुर रोका छेत्री मात्र छन । नवजात शिशुलाई उपचारका लागि काठमाण्डौ लैजाने गाडी भाडा समेत छैन । उपचार कसरी गर्नु बच्चाको हजुरआमाले गुनासो पोखिन ।
प्युठान अस्पतालका बाल रोग विशेषज्ञ डाक्टर सौरभ श्रेष्ठका अनुसार बच्चालाई काठमाडौ स्थित टिचिङ अस्पतालमा लगेर उपचार गर्नुपर्ने देखिएको छ ।  गर्भअवस्थामा प्रशस्त मात्रामा भिटामिन ‌बि ( फाेलिक  एसिड)  कमीका कारण वच्चामा यस्तो समस्या देखिने डाक्टरको भनाई छ ।

आर्थिक अभाबका कारण उपचार नपाएकाे नबजात शिशुलाई बचाउनको लागि तपाई हाम्रो सहयोगको आवाश्यक छ ।सहयोग गर्न इच्छुक व्यक्तीले छिमेकी भिम बहादुर रोका क्षेत्रीको सम्पर्क नम्वर ९८४४९०९६७०,र सिदार्थ बंैक जुम्री शाखाको खाता नम्वर ०१३१५०७४५९८ मा सहयोग रकम जम्मा गरी दिनुहुन अनुरोध गर्दछौ ।