झुलेनी नेटवर्क२०७९ श्रावण १९, प्यूठान
२०७९ श्रावण १९, प्यूठानप्यूठान नगरपालिका ४ बिजुवारमा आज बिहिबार देखि पूर्व कर्म, पञ्चकर्म सेवा शुभारम्भ भएको छ । आयुर्वेद स्वास्थ्य केन्द्र प्यूठानले सञ्चालन गरेको विस्तारित आयुर्वेद सेवा केन्द्र बिजुवारमा पञ्कर्म सेवाको शुभारम्भ गरिएको आयुर्वेद स्वास्थ्य केन्द्र प्यूठानका निमित्त कार्यालय प्रमुख शिशिर पोख्रेलले जानकारी दिए ।
बिजुवारबाट दम, जोर्नी दुख्ने, नशा दुख्ने, शरिर दुख्ने बिरामीलाई मेसिनबाट सेक्ने, शिरोधारा, नस्य सेवा लगायत सेवा प्रदान गर्न थालिएको विस्तारित आयुर्वेद सेवा केन्द्र बिजुवारका प्रमुख चिकित्सक अच्युत रिजालले जानकारी दिए ।
प्यूठान आयुर्वेद स्वास्थ्य केन्द्र र प्यूठान नगरपालिकाको साझेदारीमा गत माघबाट प्यूठान नगरपालिका ४ बिजुवार स्थित सेवा केन्द्रमा विस्तारीत आयुर्वेद सेवा केन्द्र सञ्चालन भइरहेको छ ।
