संयुक्त ट्रेड युनियन सञ्जालले प्यूठान सहित देशभर विभिन्न ११ बुदे मागपत्र सहित दोस्रो चरणको आन्दोलन सुरु गरेको छ ।
संयुक्त ट्रेड युनियन सञ्जाल अन्तर्गतका संगठनहरुले कर्मचारीमैत्री निजामती सेवा ऐन छिटो जारी गर्न माग गर्दै सोमबार जिल्ला प्रशासन कार्यालय प्यूठानको गेटमा विभिन्न माग सहितको कालो ब्यानर टासेर आन्दोलन गरेका छन् ।

देशव्यापी आन्दोलन अन्तर्गत जिल्लाका विभिन्न निजामती कर्मचारी संगठनका कर्मचारीहरुले पनि आजदेखी भदौ १७ गते सम्म सरकारी कार्यालयको गेटमा मागहरुको ब्यानर टास्ने र हातमा कालोपट्टी बाधेर कामकाज अघि बढाउने गरि आन्दोलन सुरु गरेको नेपाल निजामती कर्मचारी संगठन जिल्ला कार्यसमिती प्यूठानका अध्यक्ष हरि पौडेलले जानकारी दिए ।

आज बिहान १० बजेदेखि सुरू भएको आन्दोलन साझ ५ बजेसम्म जारी रहेको थियो ।

नेकपा एमाले निकट नेपाल निजामती कर्मचारी संगठन,नेपाली कांग्रेस निकट नेपाल निजामती कर्मचारी युनियन,माओवादी केन्द्र निकट राष्ट्रिय कर्मचारी संगठन (निजामती),एकीकृत समाजवादी निकट एकीकृत सरकारी कर्मचारी संगठन र जसपा निकट नेपाल निजामती कर्मचारीले संयुक्त ट्रेड युनियन सन्जालको ब्यानरमा आन्दोलनका कार्यक्रमहरु गर्दै आएका छन् ।

मागहरुको (ब्यानर) पढ्नुहोस् ।