प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय, प्रदेश र स्थानीय तहरुले पदमार्ग निर्माणमा बजेट बिनियोजन गरेर सक्रियता नदेखाउदा पदमार्ग अलपत्र परेको हो । जिल्लामा पहिलो पटक पर्यटकीय पदमार्ग निर्माणको काम थालिएको थियो ।
नेपाल पर्यटन बोर्ड मार्फत २०७३ सालमा २५ लाख रुपैया बजेट आएपछि ढा“ड–दहिहाल्ना–बाग्लीबाङ–झा“क्रीढुंगा–नाङ्गी–बाइसमूल झरना–ठूलाचौर–गौमुखी जोड्ने पदमार्ग निर्माण थालिएको थियो । पदमार्गले जिल्लाको उत्तरपूर्वमा पर्ने पिछडिएको क्षेत्रलाई आन्तरिक पदयात्रा मार्गमा जोड्ने अपेक्षा गरिएको थियो ।

ढाडबाट स्नाथान, मुर्चुल र लाँलीगुरास रंगशाला हेरेर दहीहाल्नाबाट डा“डैडाड हिमालहेर्दै पूजा–डाडा“कटेरी हु“दै दलित होमस्टे बाग्लीबाङ,पूजा तामाखानी,रजबारा कालेपुनको घा“टी, झा“क्रीढुंगा तिखाचुली लेकको भेडीगोट, तिखाचुली, ठूलो नाङ्गी,सानो नाङगी,गरुजुरे, अर्खा पोखरा, बाइसमूलहु“दै गौमुुखी भएर अर्खा ठूलाचौर मगर होमस्टेमा पुग्न करिव एक हप्ताको प्याकेजमा यात्रा गर्न सकिने पदमार्ग बनेको थियो ।
सानो ठूलो नाङगीबाट देख्न सकिने माछापुच्छ«े, धौलागिरी हिमाल र बाग्लुङ ढोरपाटन क्षेत्रका पाखा पखेरा, प्यूठान स्याउलीबाङ र बाग्लुङ बोहोरागाउ सिमाना रहेको (सम्भवतः नेपालकै ठूलो घोडेढुंगा),गाइको मुखबाट ह्वालह्वालती पानी निस्कने झिमरुक नदीको उद्गमस्थल गौमुखी, बाइसमूलको छहरा यहा“का विशेष आकर्षण छन् ।

पदमार्गले लुम्बिनी–स्वर्गद्वारी–मुक्तिनाथ सम्मिलित ‘कल्चरल ट्रयाङ्गल’स्थापना गर्ने उदेश्य राखेर पदमार्ग निर्माणमा बजेटको लागि पहल गरेको एमाले पोलिटब्यूरो सदस्य एवंम एमालेका पूर्व पर्यटन प्रवद्र्धन विभाग प्रमुख सूर्य थापाले बताए । ‘नेपालको पर्यटन अहिले सम्म मूलतः काठमाडौं–पोखरा–सौराहा, जसलाई ‘गोल्डेन ट्रयाङ्गल’ भन्ने गरिन्छ, यसकै प्रवद्र्धनमा धानिएको छ,’ उनले भने,‘पश्चिम नेपालमा खासगरी लुम्बिनी–स्वर्गद्धारी–मुक्तिनाथलाई केन्द्रित गरेर वैकल्पिक ‘ट्रयाङ्गल’ निर्माण गर्नु पर्छ ।’