News Portal

रेडियो सुन्नुहोस्

भालुबाङ-प्यूठान सडक अझै खुलेन

झुलेनी नेटवर्क२०७९ असाेज २२
५२६ पटक
२०७९ असाेज २२

अविरल वर्षापछि आएको पहिरोले हिजोदेखि रोकिएको भालुबाङ-प्यूठान सडक अझै सुचारु भएको छैन । माण्डबी र सरुमारानी गाउँपालिकाको सीमाक्षेत्र सिमलचौर देखि बड्डाँडासम्मको सडकमा विभिन्न ठाउँमा आएको पहिरोले सडक अवरुद्ध भएको छ । कुडुले, सिमलचौर, बड्डाँडा ओरालो लगायत क्षेत्रमा ठूला-ठूला पहिरो आएको सडक डिभिजन कार्यालय प्यूठानले जनाएको छ ।
सडकमा आएको पहिरो हटाउन कार्यालयको जेसिबीले हिजो देखि प्रयास गरेपनि सडक सुचारु गर्न नसकिएको सडक डिभिजन कार्यालय प्यूठानका लेखा अधिकृत झगबहादुर दसौतीले जानकारी दिए । सडक सुचारु गर्न आज बिहानै पुनः दुई जना ट्राफिक प्रहरी सहित जेसीबी सिमलचौरबाट बड्डाँडा क्षेत्र तर्फ पठाइएको उनले बताए । धेरै ठाउँमा पहिरो आएर सडक बिग्रेका कारण पानी पूनः नपरेमा दिउँसोसम्म सडक सुचारु गर्न सकिने कार्यालयकाे भनाइ छ ।
यहि सडक अन्तर्गत चेरनेटा-चकचके क्षेत्रमा आएको पहिरो आज बिहान हटाएर सडक खुलाइएको जिल्ला प्रहरी कार्यालय प्यूठानका प्रहरी प्रमुख डिएसपी शुवास खड्काले जानकारी दिए । हिजो दिउँसो पहिरोमा परेर वेपत्ता भएका माण्डबी ४ का स्थानीयको खोजतलासमा जानेक्रमा प्रमुख जिल्ला अधिकारी सहितको टोलीले चेरनेटा-चकचके क्षेत्रको पहिरो हटाएको हो । प्यूठान-भालुबाङ सडक अवरुद्ध हँुदा जिल्ला अस्पताल प्यूठानमा इमर्जन्सि वार्डबाट रिफर भएका बिरामी उपचारमा बाहिर जान पाएका छैनन् । बिरामी बोकेर हिडेका एम्बुलेन्सहरु पनि अलपत्र अवस्थामा बाटामै रोकिएका छन । जिल्लाका प्रायाः ग्रामीण सडकहरु समेत अवरुद्ध छन ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

‘भित्रीकोट दरबार’ र ‘पञ्चमार्क मुद्रा’ को हुलाक टिकट प्रचलनमा

हुलाक सेवा विभागले ‘भित्रीकोट दरबार’ र ‘पञ्चमार्क मुद्रा’ को तस्बिर अङ्कित हुलाक टिकट प्रचलनमा ल्याएको...

लुम्बिनी प्रदेशसभामा प्रधानमन्त्रीको विशेष सम्बोधन

प्रधानमन्त्री केपी शर्मा ओलीले सङ्घीयताले प्रयोगमा लुम्बिनी प्रदेश सफल भएको बताएका छन् । सोमबार लुम्बिनी...

प्रधानमन्त्रीले लुम्बिनी प्रदेशसभालाई विशेष सम्बोधन गर्दै

प्रधानमन्त्री केपी शर्मा ओलीले लुम्बिनी प्रदेशसभालाई विशेष सम्बोधन गर्दै छन् । आज(सोमबार) साढे ११ बजे...

‘नेपालको सन्दर्भमा सङ्घीयताको औचित्य’ विषयक अन्तरक्रिया विजुवारमा सम्पन्न

नेपालको सन्दर्भमा सङ्घीयताको औचित्य विषयक अन्तरक्रिया कार्यक्रम विजुवारमा सम्पन्न भएको छ । राष्ट्रिय जनमोर्चा प्यूठानको...

होटल क्षेत्र आर्थिक प्रणालीमा सकारात्मक प्रभाव पार्ने ब्यवसायः महतरा

झिमरुक गाउँपालिकाका अध्यक्ष पित बहादुर महतरा क्षेत्रीले होटल व्यवसाय देशको आर्थिक प्रणालीमा सकारात्मक प्रभाव पार्ने...