झुलेनी नेटवर्क
१९,मंसिर २०७९
प्रतिनिधि र प्रदेशसभा निर्वाचनमा जितेका सांसदहरू मतदातालाई धन्यवाद दिन घरदैलोमा जुटेका छन् । यसअघि मत माग्दै घरदैलो र गाउँगाउँ पुगेका थिए । अहिले उनीहरू जितपछि धन्यवाद दिँदै र ५ वर्षका लागि योजना र सुझाव मागिरहेका छन् ।
प्रतिनिधिसभा सदस्यमा निर्वाचित एमालेका पोलीटव्यूरो सदस्य सूर्यबहादुर थापा क्षेत्रीले हिजोआज घरदैलो गर्ने काममा व्यस्थ रहेको जानकारी गराए । जिल्लाको मल्लरानी, गौमुखी, ऐरावती, माण्डबी गाउँपालिका, प्यूठान नगरपालिका, स्वर्गद्धारी नगरपालिकामा घरदैलोमा पुगेर खुसी साटासाट गरेको उनले जनाए । उनले एक दुई दिन भित्रै सबै स्थानीय तहरुमा घरदैलो गरेर सकिने बताए । प्रतिनिधिसभा सांसद चुनिएका थापाले कसरी जित्ला भन्नेहरु लाइ प्यूठाननी जनताले जीताइ दिएकोमा मतदातालाइ धन्यबाद दिन मतदाताको घरदैलौमै गुगेको बताए । उनले विकासमा राजनीति नगर्न र गर्न नदिन मतदातालाई सचेत गराउदै आएका छन् । ‘निर्वाचनअघिसम्म फरक पार्टीका थियौं । अब सबैको साझा व्यक्ति भइसक्यौं’ उनले थपे ।
प्रदेश १ का सांसद तुस्लिराम पोख्रेल पनि मतदाताको घरदैलोमै व्यस्त छन् । आफ्नो निर्वाचन क्षेत्रका मतदातालाई भेटेर आभार प्रकट गरिसकेको सुनाए । प्रदेश २ बाट चुनिएका सांसद शरोज थापां पनि मतदातासँगै जितको खुसियाली साटेर काठमाडौ पुगेका छन् । उनले चुनावताका गरेका प्रतिबद्धता पूरागर्न पछि नहट्ने बताए । घरदैलोमा आएका सांसदलाई मतदाताले सुशासन, विकास निर्माण र आर्थिक अनियमितताविरुद्ध लाग्न आग्रह गरेका छन् । जितपछि सांसद भेट्न आएकोमा मतदाता उत्साहित छन् । ‘अब जनप्रतिनिधि जनताको समस्यासँग एक भएर लाग्नुप¥यो । जितेपछि अर्को चुनावसम्म अनुहार नदेखाउने प्रवृत्तिको अन्त्य होस,’प्यूठान नगरपालिका ५ जुम्रीकाढाँमा किमबहादुर जिसीले भने ।
