जिल्ला आपतकालिन कार्य संचालन केन्द्र र स्थानीय आपतकालिन विचको समन्वय बैठक तथा छलफल बरौलामा सम्पन्न भएको छ । जिल्ला प्रशासन कार्यालय प्यूठानको आयोजना तथा ऐरावती गाउँपालिकाको समन्वयमा कार्यक्रम सम्पन्न भएको हो ।
जिल्लाका विभिन्न सरोकारवालाहरुको उपस्थीतीमा विपत जोखिम न्यूनिकरणका लागि आपतकालिन समयम जुनसुकै क्षेत्रबाट सकृयरुपमा लाग्नु पर्ने सरोकारवालाहरुले बताएका छन ।

कार्यक्रममा जिल्लाभरका जोखिम क्षेत्रहरु पहिचान गरी बस्तीस्तरबाटै सचेतनाका कार्यक्रम संचालन गर्नु पर्ने कार्यक्रमका प्रमुख अतिथि एवम जिल्ला समन्वय समितिका प्रमुख धरम बहादुर जिसीले बताएका छन । साथै कार्यक्रममा बोल्दै कार्यक्रमको अध्यक्ष तथा जिल्ला प्रशासन कार्यालय प्युठानकी प्रमुख जिल्ला अधीकारी सुनीता नेपालले जस्तो सुकै परिस्थीतीमा पनि बास्तवीक पीडित तथा विपदमा परेकाहरुका लागि सवै एक्टीभ भएर जुट्नु पर्ने बताएकी छिन । साथै उनले विपत जुन सुकै समयमा पनि आउन सक्ने भएकोले टोल तथा बस्ती स्तरबाटै जनचेतना जगाउनु पर्ने बताएकी छिन ।
ऐरावती गाउपालिकाको सभाहलमा भएको कार्यक्रममा जिल्लाका सम्पुर्ण कार्यालयका प्रमुख तथा प्रतिनिधीहरुको सहभागिता रहेको थियो ।