बिबश घर्ति मगर०७ पौष ०७९
०७ पौष ०७९प्यूठानको गौमुखी गाउँपालिका ५ ठूलाबेसी र ४ नं वडा पुँजा जोडने पक्कि पुल संचालनमा आएको छ ।
पुलको लागि ठेक्का लागेको दुई बर्ष भित्रमा यो पुल निर्माण भइसकेको हो । कहिकतैबाट बाटो भएपनि पक्कि पुल नबन्दा बर्षाको समयमा यात्रा गर्न कठिनाई पथ्र्यो ।
त्यहाँ पक्कि पुल बनेसँगै मदाने गाउँपालिका गुल्मि, गौमुखी गाउँपालिका र नौबहिनी गाउँपालिकाका जनताहरु त्यस पुलबाट लाभान्वित हुने भएका छन् ।
लुम्बिनी प्रदेश सरकारको कुल साढे सात करोडको स्टिमेट भएपनि, ठेक्कामा प्रतिस्पर्धा हुँदा जम्मा पाँच करोड ६६ लाखमा ईशान कन्ट्रक्सन कम्पनी प्यूठानद्धारा २०७७ मंसिर २१ मा निर्माण थालिएको थियो । पुलको उद्घाटन भने अझै भएको छैन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
