१४ पुष २०७९नेकपा माओवादी केन्द्र प्युठान जिल्ला अध्यक्ष तथा झिमरुक गाउँपालिका अध्यक्ष पित बाहादुर एम सि र झिमरुक गाउँपालिका ५ का वडा अध्यक्ष दधीराम पोख्रेलद्धारा लुम्बिनी पर्देश मुख्यमन्त्री कुल प्रसाद के.सि समक्ष ध्यानाकर्षण गराएका छन् । प्यूठान हस्पिटलमा बिगत एक बर्षदेखी रिक्त रहेको मे.सु को पदपुर्ति तथा झिमरुक गाउँपालिकामा बिपदको बेला भएको समस्या समाधानको लागि आज उक्त ध्यानाकर्षण पत्र बुझाइएको झिमरुक गाउँपालिका अध्यक्ष पित बहादुर एम.सीले जानकारी दिए ।
हस्पिटलमा हाल ७ औ तहको कर्मचारीले त्यो काम सम्हालिरहेको बताउदै त्यसको चाडै पदपुर्ति गर्नको लागि पत्र बुझाइएको बताएका हुन् । त्यस अवसरमा मुख्यमन्त्रि कुल प्रसाद के.सि द्धारा अबको एक हप्ताभित्र मे.सु डाक्टर प्यूठान अस्पताल आउने भन्दै प्रतिबद्धता जनाएको समेत उनले बताए । साथै गएको असार र असोजमा बाढी पहिरोले क्षतिग्रस्त गरेका झिमरुक गाउँपालिकामा घर,भवनहरुको बिबरण प्रदेश तहमा पेश गर्दा पनि अहिलेसम्म कुनै पनि सुनुवाई नभएको भन्दै त्यस तर्फ पनि सुनुवाई कार्यलाई अगाडी बढाउन आग्रह गर्दै मुख्यमन्त्रि के.सि लाई अपिल समेत गरेका छन् ।
