१७ पुष २०७९गौमुखी गाउँपालिका ४ पुँजाको आयोजनामा अपाङ्गता सम्बन्धि २ दिने अभिमुखीकरण कार्यक्रम पुँजा वडा कार्यलयमा सञ्चालन भएको छ । वडाभित्र रहेका अपाङ्गता भएका व्यक्ति, उनको अभिभावक र जनप्रतिनिधिहरुको लागि तालिम सञ्चालन गरिएको वडा कार्यलयले जनाएको छ । राष्ट्रिय महासघं नेपाल लुम्बिनी प्रदेशका सचिवालय सदस्य जुमान सिंह के सीले कार्यक्रमको सहजिकरण गरेका थिए । तालिममा अपाङ्गता के हो, अपाङ्गताको प्रकार, अपाङ्गता भएका व्यक्तिको वर्तमान अवस्था, अपाङ्गता सम्बन्धि भएका कानुनी व्यवस्था र सेवा सुविधाको बारेमा सहजिकरण के सीले गरेका हुन् ।
तालिममा सहभागिहरुले अपाङ्गता व्यक्तिले पाउनु पर्ने सेवा सुविधा सहज रुपमा नपाएको गुनासो गरेका थिए । साथै यातायातमा छुट पाउने सुविधा भए पनि छुट नपाएको भन्दै सम्बन्धित निकाय समक्ष पहल गर्न अनुरोध गरेका थिए । वडा अध्यक्ष धनिराम वि.क को अध्यक्षतामा भएको कार्यक्रमको सञ्चान कार्यलय सहायक ज्ञामुराम न्यौपानेले गरेका हुन् । कार्यक्रम भोलि सम्म सञ्चालन हुने छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
