२०पुष २०७९राष्ट्रिय युवा परिषदको समन्वय तथा प्यूठान नगरपालिकाको शसर्त अनुदानका रुपमा हस्तान्तरिक युवा प्रतिभाको खोजी तथा प्रोत्साहन कार्याक्रम हुने भएको छ । १६ वर्ष देखी ४० वर्ष सम्मका युवाहरुले कार्यक्रममा भाग लिन पाउनेछन् । जिल्लाभरका इच्छुक युवाहरुले प्यूठान नगरपालिकाको कार्यालयमा गई आवेदन दिन सक्ने नगरपालिकाले जनाएको छ । नगरपालिकाले मंगलबार एक सुचना जारी गर्दै सुचना प्रकाशन भएको मितीले ३० दिन भित्र नगरपालिकामा निवदेन पेस गर्नुपर्ने जनाएकोे हो । निवेदन पेस गर्दा आवेदन फाराम र नेपाली नागरिकताको प्रतिलिपी बुझाउनुुपर्ने छ ।
आवेदन फाराम राष्ट्रिय युवा परिषद नेपालको वेबसाईट nyc.gov.np बाट प्राप्त गर्न सकिने छ । युवा प्रतिभाको खोजीका लागि जिल्ला स्तरिय कार्यक्रम गर्न लागिएको हो । कार्यक्रमबाट उत्कृष्ट युवाहरुलाई उचित पुरस्कृत गरिने समेत व्यवस्था गरिएको छ । जिल्लाबाट छनौट भएका यूवालाई प्रदेश स्तरको कार्यक्रममा सहभागी वनाइने जिल्ला युवा संघका अध्यक्ष रामचन्द्र केसीले बताए ।
