प्युठानको गौमुखी गाउँपालिकामा बिपन्न गरिब परिवारलाई चिसो धपाउन न्यानो सिरक वितरण गरिएको छ । काठमाडौ स्थित रोटरी क्लबका सचिब युबा ब्याबसायी सन्तोस कुवरको समन्वयमा इनर्विल क्लब र विभिन्न उद्योगी ब्यापारीहरुको सहयोगमा गौमुखी गाउँपालिकाका ७ वटै वडाका ४९ जना बिपन्न परिवारलाई लक्ष्यित गरि न्यानो सिरक वितरण गरिएको हो ।

पालिका र वडा संग समन्वय गरेर बिपन्न घरपरिवारलाई एक लाख बराबरको न्यानो कपडा वितरण गरिएको रोटरी क्लबका सचिब सन्तोस कुवरले बताए । न्यानो सिरक पाउँदा स्थानीय बिपन्न परिवारलाई राहत भएकोले खुशी ब्यक्त गरेका थिए । रोटरी क्लबका सचिब युबा ब्याबसायी सन्तोस कुवर गौमुखी-७ नारिकोट बासी हुन । उनी करिब १५ वर्ष अगाडिबाट काठमाडौ ब्यवसाय संगै सामाजिक कार्यमा सहयोग गर्दै आएका छन् ।