२०७९, पुस २५ प्यूठानप्यूठान नगर उद्योग बाणिज्य संघले प्यूठान नगरपालिकालाई ध्यानाकर्षण पत्र बुझाएको छ । संघले नगर क्षेत्रमा देखिएका विद्ययमान समस्याहरु समाधान गर्नुपर्ने माग राख्दै नगरपालिकाका प्रमुख प्रशासकिय अधिकृत महेश कुमार गुरुङलाई ध्यानाकर्षण पत्र बुझाएको हो ।
ध्यानाकर्षण पत्रमा इजाजत विना सवारी साधनका रीटेलिङ, अनाधिकृत पोके तथा झोले व्यापारीहरुले इजाजत नलिई पूर्णरुपमा कर तिरेका व्यापारिहरुलाई प्रभावित वनाएकाले निरुत्साहित गर्नुपर्ने, व्यवसायिहरुका लागि कर शिक्षा कार्यक्रम संचालन गर्नुपर्ने, बैकं तथा वित्तिय संस्थाहरुको सुरक्षाका लागि सडक वत्तीको व्यवस्था गर्नुपर्ने, नगरपालिकाद्धारा जडित चेरनेटा, दाखाक्वाडी, जुर्मी, विजुवारहुदै बाग्दुला सम्म रहेका करिब २ बर्ष अगाडीदेखी बिग्रिएर रहेका सिसिक्यामराको मर्मत, बजार क्षेत्रमा अत्याधिक मात्रामा बढ्दै गईरहको सडक जामलाई कम गर्न व्यवस्थित पार्कीङ स्पोट व्यवस्था गर्नुपर्ने लगाएतका माग गरिएको छ ।
साथै नगरपालिकाले लिदै आएको व्यवसायिक करमा उद्योग वाणिज्य संघसँग समन्वय तथा सहकार्य गर्दै एकद्वार प्रणालीबाट कर लिनुपर्ने माग समेत गरिएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
