प्यूठान जिल्लामा पहिलोपटक पालिका स्तरीय कर्मचारीहरु बिच फुटबल प्रतियोगिता संचालन हुने भएको छ । प्यूठान नगरपालिकाको आयोजनामा जिल्लाका नौ वटै स्थानिय तहहरुमा कार्यरत कर्मचारीबिच मैत्रिपूर्ण फुटबल प्रतियोगिता हुन लागेको नगरपालिकाले जनाएको छ । फुटबल प्रतियोगिता माघ ७ र ८ गते संचालन हुने जनाइएको छ । फुटवल प्रतियोगितामा जिल्लाका नौ वटै स्थानिय तहका कर्मचारीहरु मात्र सहभागी हुन पाउनेछन् ।