२०७९ पुस, २९जन्मिदै ओठ तथा तालुफाटेका विरामीहरुको निःशुल्क अप्रेशन गरिने भएको छ । राष्ट्रिय अपाङ्ग सेवा संघ प्यूठान र वि एन वि हस्पीटल काठमाण्डौले संचालन गरेको चार दिने शिविरबाट छनौट भएका विरामीहरुको निःशुल्क शल्यक्रिया गरिने भएको हो । गौमुखी गाउँपालिकाको लिवासे स्वास्थ्य चौकी, माण्डवी गाउँपालिकाको देविस्थान स्वास्थ्य चौकी, स्वर्गद्धारी नगरपािलकाको भिंग्री स्वास्थ्य चौकी र प्यूठान अस्पताल बिजुवारमा संचालित शिविरबाट १२ जना विरामीहरुले सेवा लिएका थिए ।
ती मध्येबाट ८ जना विरामीहरु छनौट गरिएको र उनीहरुको निःशुल्क शल्याक्रिया गरिने राष्ट्रिय अपाङ्ग सेवा संघ प्यूठानका सचिव राजेन्द्र रावत क्षेत्रीले जानकारी दिए । शिविरमा वि एन वि हस्पीटल काठमाण्डौका विशेषज्ञ डा.माधव वानियाले विरामीहरुलाई सेवा तथा परामर्श दिएका छन् । पुस २६ गतेदेखी सुरुभएको शिविर शुक्रबार सम्पन्न भएको हो । आर्थिक रुपमा विपन्न तथा गरिब परिवारलाई लक्षित गरेर शिविर संचालन गरिएको राष्ट्रिय अपाङ्ग सेवा संघ प्यूठानले जनाएको छ ।
