पछिल्लो समय चोरीको घटना सिमित वडामा मात्र नभई सिङ्गो जिल्लालाई नै चुनौती दिने गरि दिनानुदिन बढ्दै गइरहेको छ । यो अवस्थालाई तत्काल रोकथाम तथा समुदायमा भएको त्रास पूर्ण बातावरणलाई सहज बनाउन स्वगद्धारी नगरपालिका ५ नं वडाले विभिन्न वडाका क्रियाशील राजनीतिक दल, बुद्धिजीवी, समाजसेवीहरुको उपस्थितिमा छलफल गरेको छ।

वडा अध्यक्ष गिर बहादुर घर्ति मगरको नेतृत्वमा विभिन्न निर्णय माथि छलफल गरेको हो । उक्त भेलाले कुनै अपरिचित वा शंकास्पद व्यक्ति देखा परेमा वडा कार्यालय तथा इलाका प्रहरी कार्यालयमा तुरुन्त जानकारी गराउन अनुरोध गरेको छ । त्यस्तै साँझ ८ : ०० बजे पछि होटल, पसल व्यवसाय पूर्णरुपमा बन्द गर्ने, वडा भन्दा बाहिरबाट आएका कामदारहरुले अनिवार्य रुपमा परिचय खुल्ने गरि प्रमाण पत्र तथा फोन नम्बर वडामा उपलब्ध गराउन भनेको । साथै कुनै पनि अवैध रुपमा व्यापारको नाममा अन्यत्रबाट आउने व्यापारीहरुलाई रोक लगाउने निर्णय समेत गरेको वडा अध्यक्ष घर्तिले जानकारी दिए ।
मंगलबारको भेलाले तत्काल जिल्ला सुरक्षा समिति समक्ष अस्थायी प्रहरी पोष्ट माग गर्ने, स्वर्गद्वारी नगरपालिकाले तत्काल मुख्य स्थानमा सोलार बत्ती जडान गर्ने, वडा कार्यलयमा सिसि क्यामरा जोड्ने र अन्य स्थानमा जडाका लागि पहल गर्ने निर्णय गरेको छ ।