![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/01/20230125_141033-711x400.jpg)
बुधबार, विहानको ११ बजेको थियो । प्यूठान अस्पतालबाट एम्बुलेन्सहरु एकाएक कुद्न थाले ।
कतिपय एम्बुलेन्सहरु बाग्दुला तर्फ लागे त कतिपय क्वाडी तर्फ । स्थानीयहरु समेत अचम्मीत भए । एम्बुलेन्स बाट निस्केको दुखलाग्दो धुनले मानीसहरुलाई आतंकित बनायो । त्यो दृष्य हेर्नेको लागि मानिसहरु बाटोमा ताँति लागेका थिए । तर त्यो दृष्यको अर्थ फरक थियो । दिनरात बिरामीको सेवामा खटिरहने एम्बुलेन्स चालकहरु खुसी देखिन्थे । उनीहरुको पहिरन पनि एउटै थियो ।
जिल्लाभरका करिव दुइ दर्जन एम्बुलेन्स र चालकहरु बुधबार विजुवारमा भेला भएका थिए । संयु क्त एम्बुलेन्स चालक संघ नेपालको बुधवार ८ औ स्थापना दिवस थियो । प्यूठानमा सोही दिवसको अवसरमा एम्बुलेन्स ¥याली समेत निकालिएको थियो । दिवसका अवसरमा एक कार्यक्रमको आयोजना गरी प्यूठान अस्पतालका ५० भन्दा बढि विरामीहरुलाई फलफुल वितरण गरिएको छ ।
संयुक्त एम्बुलेन्स चालक संघ प्यूठानका अध्यक्ष विर बहादुर केसीको अध्यक्षता र प्यूठान अस्पतालका निमित्त प्रमुख खिम प्रसाद पार्धेको प्रमुख आथित्यतामा कार्यक्रम सम्पन्न भएको छ ।
कार्यक्रममा बोल्दै अस्पतालका निमित्त प्रमुख खिम प्रसाद पार्धेले एम्बुलेन्स चालक र अस्पतालको नङ र मासुको संम्वन्ध रहेको भन्दै विरामीहरुको सेवामा एम्वलुलेन्स चालक चनाखो भएर लाग्नु पर्ने बताएका छन । साथै उनीहरु एउटा चालक मात्र नभएर विरामीहरुलाई बचाउनका लागि डाक्टर समेत रहेको उनले बताए । उनले जिल्लाका एम्बुलेन्सहरु प्राय मापदण्ड विपरित चल्दै आएको हुनाले सबैलाई नियमानुसार सञ्चालनमा ल्याउन आग्रह गरेका थिए । साथै कार्यक्रममा वोल्दै पार्धेले प्यूठान अस्पतालमा बुधबारदेखी अस्पताल प्रमुखको जिम्मेवारी समहाल्न डा।प्रमिला खनाल आएको बताए ।
त्यस्तै प्यूठान अस्पतालका लागि एमबुलेन्स चालकहरुले फोहोर फाल्ने बाल्टी र बाटा समेत सहयोग गरेको संघका अध्यक्ष विर बहादुर केसीले बताएका छन् । त्यस्तै एम्बुलेन्स चालक संघका केन्द्रिय सदस्य शुसील केसीले एम्बुलेन्स चालकहरुको पिडा सम्बन्धित निकायले बुझ्नुपर्ने बताए । त्यस्तै नेपाल रेडक्रस सोसाईटी प्यूठानका सभापती गुमानराज पुलामीले एम्बुलेन्सहरुलाई स्तरोउन्ती गरी सञ्चालनमा ल्याउन आग्रह गर्दै नियम विपरित चलाएमा कारबाही गरिने उनले बताए ।
जिल्ला अस्पताल परिसरमा सञ्चालन गरिएको कार्यक्रममा अथितीहरु डा। पारुल खड्का, डा।प्रमिला खनाल, डा।रतन सुवेदी, अस्पतालका नर्सिङ इन्चार्ज प्रतिमा भटट्ठराई र डाक्टर धर्मराज चौधरी, स्थानिय महेस कक्षपति , प्रकाश कर्माचार्य लगायतको उपस्थिती रहेको कार्यक्रमको सञ्चालन राजकुमार रसाइलीले गरेका थिए ।
दिवस सम्पन्न गर्नका लागि सिद्धबाबा हस्पिटल एण्ड रिसर्च सेन्टर बुटवल , लुम्बिनी सिटी हस्पिटल बुटवल र निमतारा पोली क्लिनिक बिजुवारले सहयोग गरेको एम्बुलेन्स चालक सुरेस केसीले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)