२०७९ माघ १२लायन्स क्लव प्यूठानले सुस्त श्रवण भएका बालबालिकालाई न्यानो कपडा वितरण गरेको छ । लायन्स क्लव प्यूठानले बिहिवार सरस्वती पुजाको अवसर पारेर भूवनेश्वरी माद्यामिक विद्यालय खैरामा अध्यनरत् २५ जना बालबालिकाहरुलाई न्यानो कपडा वितरण गरेको क्लवका उपाध्यक्ष झविन्द्र शर्माले जानकारी दिए । न्यानो कपडा वितरण कार्यक्रममा वोल्दै क्लवका अध्यक्ष मिन बहादुर कुवँरले क्लवले दिनदुखी, गरिव, विपन्न वर्गका परिवार, बालबालिका लगायत अन्य व्यक्तिहरुलाई यस अघिका दिनहरुमा पनि सहयोग तथा राहत उपलब्ध गराउदै आएको बताए । साथै उनले आगामी दिनहरुमा पनि यस्ता सामाजिक क्षेत्रमा सहयोग कार्य जारी राख्ने प्रतिवद्धता व्यक्त गरेका छन् ।
विद्यालयका प्राध्यानाध्यापक मुक्ति प्रसाद पोख्रेलले बालबालिकाहरुलाई न्यानो कपडा वितरण गरेकामा क्लवलाई धन्यावाद व्यक्त गरेका थिए । शुद्ध मानव सेवामा सर्मपित यस संस्थाले सन् २००९ साल देखी आपतविपत तथा अपठ्यारोमा परेकाहरुलाई सहयोग गर्दै आइरहेको शर्माले जानकारी दिए । कार्यक्रममा प्यूठान नगरपालिकाका निर्वतमान प्रमुख अर्जुन कुमार कक्षपति, विद्यार्थी, शिक्षक, क्लवका अन्य सदस्यहरुको उपस्थिती रहेको थियो ।
