जिल्ला ट्राफिक प्रहरीले मापसे चेक गर्न थालेको छ । सडक दुर्घटना जोखिम कम गर्न लागि साझको समयमा मापसे चेकलाई तिव्रता दिन थालेको ट्राफिक प्रहरी जवान गणेश खत्रीले बताए । उनका अनुसार मापसे सेवन गरेर रातको समयमा सवार गर्ने चालकलाई जरीवाना तिर्न लगाइएको छ ।
साथै सिट क्षमता भन्दा बढि सवारी वस्दा अत्याधिक मात्रामा दुर्घटनाको जोखिम बढेको भन्दै ग्रामिण क्षेत्रमा चल्दै आएका सवारीसाधनको नियमित रुपमा छड्के चेकजाच गर्दै आइरहेको प्रहरी जवान खत्रीले बताए । बिलबुक हेरेर मात्र दुर्घटना भएको सवारी मर्मत गर्न ग्यारेजहरुलाई निर्देशन समेत दिइएको प्रहरी जवान खत्रीको भनाई छ । बिलबुक नभएको सवारी मर्मत गर्न लिएमा तुरुन्त नजिकको प्रहरीलाई खबर गर्न ग्यारेजलाई आग्रह गरेको जवान खत्रीले बताए ।