१२ माघ २०७९गौमुखी माद्यामिक विद्यालय ठुलावेसी र ऐरावती गाउँपालिकाको खेल मैदान झिवाङ मा विहिबार देखी गाउँपािलका स्तरीय तेस्रो राष्ट्रपति रनिङ शिल्ड प्रतियोगिता सुरु भएको छ । “स्वास्थ्यका लागि खेलकुद राष्ट्रका लागि खेलकुद “भन्ने मुल नाराका साथ खेल सञ्चालन भएको हो ।
उद्घघाटन गर्दै प्रमुख अतिथी समेत रहेका लुम्बिनी प्रदेश सभा सदस्य माननीय निमा गिरीले खेलाडी रास्ट्रका गहना भएको बताए । उनले खेलाडीको जीवन दयनीय र बेरोजगारभएको भन्दै राज्यले नहेर्नू दुःखद रहेको बताएका छन् । गौमुखी गाउँपालिका अध्यक्ष बिष्णु कुमार गिरिले प्रतियोगिता सफलता बनाउन गाउँपालिकाले सक्दो सहयोग गर्ने र कार्यक्रम सफलताको शुभकामना दिए । गाउँपालिका उपाध्यक्ष महावीर राना, प्रमुख प्रशासकिय अधिकृत खुम बहादुर घर्ती, गौमुखी मा .विका प्रधानाध्यापक माधबराज पोख्रेल लगायतले मन्तव्य राखेको थिए ।
त्यस्तै ऐरावती गाउँपालिकामा पनि विहिबार नै रनिङ्ग शिल्ड प्रतियोगिता सुरु भएको छ । ऐरावती गाउँपालिका अध्यक्ष नविल विक्रम शाहको अध्यक्षतामा कार्यक्रम सुरु भएको हो । कार्यक्रममा बोल्दै गाउँपालिका अध्यक्ष शाहले मैत्रीपूर्ण खेलको माध्यमबाट विद्यार्थीको सर्वाङ्ग्रीण विकास हुने भन्दै खेल आवश्यक रहेको बताए । खेलको माध्यमबाट विकास र समृद्धिमा टेवा पुग्ने समेत उनले बताएका छन् ।
विहिबारको पहिलो खेलमा एक सय र आठ सय मिटरको छात्रछात्रा दौड, छात्रतर्फ पहिलो चरणको २ सेट भलिबल खेल र छात्रछात्राको ज्यापलिङ्ग थ्रो भएको छ । उक्त पालिकामा ७ मा.विका लागि ९ विधामा कार्यक्रम हुने भएको ऐरावती गाउँपालिका शिक्षा शाखा प्रमुख यम प्रसाद पाण्डेले जानकारी दिए ।
सो प्रतियोगिता माघ १२ देखि १४ गते सम्म संचालन हुने छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
