जिल्लाकै मध्यभागमा रहेको गणतान्त्रिक खेलकुद मैदानको स्टेजमा निर्माण गरिएको शौचालयमा फोहोरको डंगुर थुप्रिदा नजिकै रहेको प्यूठान नगरपालिकाले देख्दैन । जिल्लाकै सानको रुपमा मानिने खेल मैदानको मञ्च समेत अधुँरै छ, व्यवस्थीत छैन ।

पानी पर्ना साथ चुहिन्छ । यहि माघ ८ र ९ मा नगरपालिकाले नै आयोजना गरेको अन्तरपालिका स्तरिय कर्मचारीहरुबीच मैत्रिपूर्ण फूटलबल प्रतियोगितामा खेल खेल्न, हेर्न आएका पाहुनाहरुलाई व्यवस्थित शौचालय नहुँदा शौच गर्न निकै समस्या थियो ।

यो बेला समेत शौचालय मर्मत गर्न नगरपालिकाको चासो देखाएन । नगरपालिकाको प्रमुख प्रशासकीय केन्द्रको सँघारमै रहेको खेल मैदानको शौचालय र मञ्चले प्यूठान नगरपालिकाको सिंहदरबार भित्र बस्ने प्रतिनिधिहरुलाई गिज्याइरहेको थियो ।

नगरपालिका तिरै मुख फर्केको प्रतिक्षालयले फुटवल खेल्न र हेर्न आएकाहरुलाई मर्मत संभारको आशा गरेको देखिन्थ्यो । फुटबल कार्यक्रमको उद्घाटन देखि समापन कार्यक्रमा नगरप्रमुख, उपप्रमुख र प्रशासकीय अधिकृत सहितको टोली अथितिको रुपमा मञ्चमै थिए । तर यहाँको फोहोर देखेनन वा देखेर पनि नजर अन्दाज गरे ।

अलपत्र तारा मण्डल देखिने स्टेजको अपूरा काम गर्न पर्छ भन्ने ठानेनन् । सबैको नजर पर्ने प्यूठान नगरपालिकाको स्वामित्वमा रहेको गणतान्त्रिक खेल मैदान प्यूठान नगरपालकाले नदेखे कस्ले देख्ने होला । सबै भेला हुने सार्वजनिक स्थलमा आखा नपर्ने प्यूठान नगरपालिका कसरी स्वच्छ र राम्रो नगरपालिका बनाउला ?