१७ माघ २०७९जेष्ठ नागरिक संजाल, सामाजिक विकास उपशाखा अन्तरगत पर्ने अन्तरपुस्ता सीप हस्तान्तरण कार्यक्रम मंगलबार प्युठान नगरपालिका वडा न ६ को धर्मावति माध्यमिक बिद्यालय लम्छ्याङ मा सम्पन्न भएको छ । प्युठान नगरपालिका सामाजिक बिकास समिती महिला तथा बालबालिका शाखा अन्तर्गत प्युठान नगरपालिका र नगर स्तरीय जेष्ठ नागरिक को आयोजनामा सो कार्यक्रम भएको हो । कार्यक्रममा विद्यालयका अध्ययनरत विद्यार्थीहरुलाई जेष्ठ नागरिक प्रति गर्ने व्यवहार, पछिल्लो समयमा भएको पुस्तान्तरणको असर, बालबालिकाहरुले जेष्ठ नागरिक प्रति गर्नुपर्ने कर्तव्य र दायित्वको बिषयमा सु.सचित गरिएको जेष्ठ नागरिक संजालका अध्यक्ष देवराज गौतमले जानकारी दिए ।
त्यस्तै वडा अध्यक्ष नरेन्द्र पुन मगरले जेष्ठ नागरिक को हो, उहाँहरुलाई कस्तो व्यवहार गर्ने लगायतका बिषयमा समयमै सचेत हुन आवश्यक रहेको बताए । त्यस्तो कार्यमा आफु सधै अग्रसर रहने समेत उनले बताएको छन् ।
यो संजालले बिशेष गरी प्यूठान नगरपालिका भित्र रहेर विगत देखी नै जेष्ठ नागरिक, बालबालिका, महिलाहरुको बिषयक अन्तरगत रहेर काम गर्दै आएको संजालका अध्यक्ष गौतमले बताए । यो आर्थिक बर्ष २०७९/०८० को बार्षिक स्वीकृत कार्यक्रम अनुसार पहिलो कार्यक्रम धर्मावति माध्यमिक बिद्यालय लम्छ्याङ मा गरेको उनले जानकारी दिए । साथै यो बर्ष संजालले विभिन्न ५ विद्यालयमा कार्यक्रम गर्ने भएको छ । जसमा धर्मावति माध्यमिक बिद्यालय लम्छ्याङ मा गरिसकेको छ भने बाकी ४ विद्यालय, बालविद्या मा.वि मरन्ठानामा १८ गते, क्षेत्रविकास मा.वि पुण्यखोला १९ गते, भुवनेश्वरी मा.वि खैरा २४ गते र बास्बोट मा.वि जुर्मिकाडामा २५ गते गर्ने भएको हो । जेष्ठ नागरिक संजालका अध्यक्ष देवराज गौतमको अध्यक्षतामा भएको कार्यक्रमको प्रमुख अतिथि ६ नं वडा अध्यक्ष नरेन्द्र पुन मगरले गरेका थिए ।
