प्रेस चौतारी नेपाल जिल्ला शाखा प्यूठानले २५ औं स्थापना दिवसको अवसरमा विविध कार्यक्रमको आयोजना गरी मनाएको छ । आइतवार बिहान प्यूठान अस्पतालमा उपचारका लागि भर्ना भएका बिरामीहरुलाई फलफूल वितरण गरी दिवसको सुरुवात गरेको हो ।

अस्पतालमा उपचार गराइरहेका ४० जना भन्दा बढि बिरामीलाई फलफुल वितरण गरिएको शाखा अध्यक्ष बासुदेव गिरीले जानकारी दिए । त्यसैगरी आजै रक्तदान कार्यक्रम समेत गरीएको छ ।

शाखामा आवद्ध पत्रकारहरु मध्ये हेमेन्त पाठक, शिवा रेग्मि लगायतले रक्तदान गरेका थिए ।

चौतारीद्वारा थापा र पौडेललाई सम्मान

प्रेस चौतारी नेपाल जिल्ला शाखा प्यूठानमा स्थापना गरिएको स्व. गोपालदास नकर्मि स्मृति पत्रकारित पुरस्कार पत्रकार एलबी थापालाई प्रदान गरीएको छ । प्रेस चौतारी लुम्बिनी प्रदेश सचिव एवम् शाखा पुर्व अध्यक्ष रहेका थापालाई नगद सहित सम्मान पत्र प्रदान गरीएको हो ।

जिल्ला शाखाको संस्थागत विकास र पत्रकारिताका माध्यमबाट पु¥याएको योगदानको मुल्याङ्कन गर्दै सम्मान गरिएको हो । त्यसैगरी शाखाका निवर्तमान अध्यक्ष नोमराज पौडेललाई समेत प्यूठान शाखाले स्थापना दिवसको अवसरमा सम्मान गरेको छ । पौडेल स्थानीय तहको निर्वाचन २०७९ मा मल्लरानी गाउँपालिका वडा नं. ३ बाट वडा अध्यक्ष पदमा निर्वाचित हुनुभएको र शाखाको संस्थागत विकासमा पु¥याउनुभएको योगदानको कदर स्वरुप सम्मान गरीएको हो ।

सम्मान कार्यक्रममा माननीय लुम्बिनी प्रदेश सभा सदस्य तुल्सीराम शर्माको प्रमुख आतित्थ्यता, चौतारी केन्द्रिय सदस्य गिरु प्रसाद भण्डारीको विशेष आतिथ्यता रहेको थियो । शाखा अध्यक्ष बासुदेव गिरीको अध्यक्षता रहेको कार्यक्रमको सञ्चालन सचिव राम बहादुर बि.क.ले गरेका थिए ।