२४ माघ २०७९अपाङ्गता सम्बन्धि जनप्रतिनिधि र कर्मचारीहरुका लागि १ दिने अभिमुखिकरण कार्यक्रम गौमुखी गाउँपालिकाको सभाहलमा सम्पन्न भएको छ ।
गौमुखी गाउँपालिकाको सहयोगमा गौमुखी गाउँपालिका स्तरीय अपाङ्ग सञ्जालको आयोजना कार्यक्रम सम्पन्न भएको हो । राष्ट्रिय अपाङ्ग महासंघ लुम्बिनी प्रदेशका सचिवालय सदस्य जुमान सिंह के.सीले कार्यक्रमको सहजिकरण गरेका थिए । उनले अपाङ्गता भएका व्यक्तिको बर्तमान अवस्था, बनेका नितिनियम, अपाङ्गता परिचय पत्र वितरण प्रक्रिया, सेवा सुविधा र स्थानीय तहले अपाङ्गता भएको व्यक्तिको अधिकार र सेवा प्रवाहमा गर्नुपर्ने भुमिकाको बिषयमा सहजिकरण गरेका हुन् ।
गौमुखी गाउँपालिका उपाध्यक्ष महाविर राना मगरले अपाङ्गता भएका व्यक्तिको सवालमा गाउँपालिका संवेदनशिल भएको बताए ।
त्यस्तै गाउँपालिका प्रमुख प्रशासकिय अधिकृत खुम बहादुर घर्ति मगरले अपाङ्गता भएका व्यक्तिका हक हित र विकासमा सबैको ध्यान जानु पर्ने आवश्यकता रहेको बताए । साथै अधिकृत घर्तिले अपाङ्गता मैत्री सेवा प्रवाहमा आफुहरु सधै सहयोग गर्न तयार रहने प्रतिवद्धता व्यक्त गरे ।
अपाङ्ग सञ्जालका अध्यक्ष निरज हमालको अध्यक्षतामा सुरु भएको कार्यक्रमको सञ्चालन महिला बालबालिका शाखाकी उमा अर्यालले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
