![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/02/chuja-25-mahotsab-866x400.jpg)
प्रतिनिधि सभा सदस्य सांसद सुर्य थापाले आफ्नो पहिलो एक महिनाको तलब विद्यालयको भौतिक व्यवस्थापनको लागि सहयोग गर्ने प्रतिवद्धता जनाएका छन् । मल्लरानी गाउँपालिका २ चुँजाको अमर मा.वि को स्वर्ण महोत्सव २०७९ को उद्घाटन कार्यक्रमलाई संबोधन गर्दै थापाले यस्तो प्रतिबद्धता व्यक्त गरेका हुन् । विद्यालयको आर्थिक, भौतिक, शैक्षिक, सामाजिक पक्षको बिकास गर्नमा आफु सधै लागि पर्ने बताए । साथै उनले आफु जस्तो सुकै परिस्थितिमा भए पनि संसदमा रहेसम्म विद्यालयलाई सक्दो सहयोग गर्ने र आफु यहि नजिकैको स्थानीय भएको कारणले पनि सहयोग गर्न आवश्यक रहेको समेत बताए ।
त्यस्तै जिल्ला समन्वय समिति प्रमुख धरम बहादुर जि.सीले शिक्षाको बिकासमा अभिभावक र संबन्धित पक्षको विशेष भुमिका रहने बताएका छन् । उनले अभिभावक र संबन्धित पक्षको भुमिका बिना विद्यालय र शिक्षाको बिकास संभव नहुने भन्दै यी दुई पक्षले आपसी सम्बन्ध राखेर अगाडी बढन् अनुरोध गरे ।
कार्यक्रममा बोल्ने सबै बक्ताहरुले बिद्यालय र शिक्षाको क्षेत्रलाई अगाडी बढाउनको लागि सबै पक्षको उत्तिकै महत्वपूर्ण भुमिका रहेको बताएका छन् । यो स्वर्ण महोत्सवले विशेष गरि विद्यालयलाई सबैसामु परिचित गराउँदै आर्थिक संकलन गरि विद्यालयको शैक्षिक र भौतिक क्षेत्रमा सुधार गर्ने उदेश्यका साथ सञ्चालन गरिएको अमर मा.वि चुँजाका शिक्षक बासुदेब पौडलले जानकारी दिए । महोत्सव २ दिनको लागि बिहिबार २६ गते सम्म चल्ने भएको छ ।
कार्यक्रममा प्रमुख अतिथि प्रतिनिधि सभा सदस्य सांसद सुर्य थापा, बिशिष्ट अतिथि जिल्ला समन्वय समिति प्रमुख धरम बहादुर जि.सी, अतिथिहरुमा प्रमुख जिल्ला अधिकारी बेदप्रसाद अर्याल, मल्लरानी गाउँपालिका प्रमुख प्रशासकीय अधिकृत महेश के.सी, महेन्द्र मा.वि खलंगाका प्रधानाध्यापक पिताम्बर पौडेल, विद्यालय व्यवस्थापन समिति अध्यक्ष यम बहादुर खत्री क्षेत्री लगायतले शुभकामना दिएका थिए । विद्यालय व्यवस्थापन समिति अध्यक्ष यम बहादुर खत्री क्षेत्रीको अध्यक्षतामा सुरु भएको कार्यक्रमको सञ्चालन बिद्यालयका सहायक प्रधानाध्यापक प्रेम कुमार जि.सीले गरेका थिए ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)