०६ फागुन २०७९स्वर्गद्धारी प्यूठान पाचौं महोत्सवको तेस्रो दिन शनिबार झिमरुक गाउँपालिका र प्यूठान नगरपालिकाका प्यूठान डान्स आइडलमा मेघा राउण्डमा पुगेकाहरुको प्रस्तुती भएको छ ।
स्वगैद्धारी प्यूठान पाचौैं महोत्सवले राष्ट्रिय, अन्तराष्ट्रिय तथा स्थानीय कलाकारहरुको दैनिक प्रस्तुती गराउदै आएको छ ।
स्वर्गद्धारी प्यूठान पाचौं महोत्सवको आज तेस्रो दिन प्यूठान डान्स आइडलबाट मेघा राउण्डमा पुगेका झिमरुक गाउँपालिका र प्यूठान नगरपालिकाका प्रतिस्पर्धीहरुले आज प्रस्तुती दिएका छन् ।
झिमरुक गाउँपालिकाको २ जना र बाँकी २३ जना प्यूठान नगरपालिकाको गरि २५ जना आइडलको दोस्रो चरण वा मेघाराण्डको प्रतिस्पर्धीहरु मध्य १४ जना अर्को चरणको लागि छनोटमा परेका छन् । जिल्लाभर बाट जम्मा २९ जनाले भोली आइतबार प्रतिस्पर्धा गर्ने भएका छन् ।
त्यस्तै शनिबार नै भएको दोहोरी प्रतियोगिताका लागि नौबहिनी गाउँपालिका र स्वर्गद्धारी नगरपालिका विच कडा प्रतिस्पर्धा भएको थियो ।
साथै आजको कार्यक्रमको लागि मुख्य आकर्षकको रुपमा बद्री पगेंनी, सम्झना लामिछाने मगर, विमल अधिकारी, अन्जली अधिकारी लगायत अन्य कलाकारले प्रस्तुति दिएका छन् ।
भोलि फागुन ७ गतेका आइतबार मुख्य आकर्षकको लागि चर्चित लोक प्रीय गायक पशुपति शर्मा, गायिका टिका प्रसाई, प्रचण्ड जि.सी, लेखराज गुरुङ, दिपु पुन मगर सँगै अन्य स्थानीय कलकारहरुको बेजोड प्रस्तुती रहने आयोजक प्यूठान उद्योग बाणिज्य संघले जनाएको छ ।
