फागुन ४ गते देखी सुरु भएको स्वर्गद्धारी प्यूठान पाचौं महोत्सवको आज पाचौं दिनमा प्यूठान डान्स आइडलमा छनोट भएका १७ जना मध्य आज ४ जनालाई आउट गर्दै १३ जना अर्को चरणको लागि छनोट भएका छन् ।
१७ जना मध्यबाट १ जना उत्कृष्ट प्रतियोगिलाई पुरस्कार समेत प्रदान गरिएको छ । पुरुस्कृत हुनेमा प्यूठान नगरपालिकाका प्रतियोगि सरस्वती घर्ति मगर छ ।
मेघा राउण्ड सुरु भए देखी उत्कृष्ट हुनेलाई रियान एण्ड रिद्धिमा कस्मेटिक सेन्टरले पुरस्कारको व्यवस्था गर्दै आएको छ ।
त्यस्तै आज सोमबार भएको प्यूठान महोत्सवको मुख्य आकर्षकको रुपमा चर्चित लोकदोहोरी गायिका शान्ति श्री परियार, रचना रिमाल, राजेश भण्डारी, विनोद परियार लगायत अन्य कलाकारले समेत प्रस्तुति दिएका थिए ।
आज सोमबार चर्चित लोक प्रीय गायिका शान्ति श्री परियारले आफु सँगै दर्शकलाई “बोल माया” बोलको गित गाएर भावुक बनाएका थिए ।
विदेशीयको पिडामा रहेको गितले केही दर्शकको आँखामा भने आशु समेत झरेको थियो ।
पछिल्लो समयको भाइरल गायिका रचना रिमालले आधा दर्जन भन्दा बढि चर्चित गित गाएर दर्शकलाई झुमाएका थिए ।
फागुन ९ गते मंगलबार भोलि राधिका हमाल, महेश काफ्ले, करण तामाङ, दिपु पुन मगर, विनोद परियार लगायतका कलाकारको प्रस्तुति रहने भएको छ ।