२०७९ फागुन १४, रोल्पासुनिलस्मृति गाउँपालिका रोल्पाले सहकारीमा आवद्ध महिलाहरुलाई कृष्टलका गरगहना वनाउने तालिम दिएको छ । गाउँपालिका भित्रका ५ सहकारीका १६ महिलालाई गरगहना वनाउने तालिम दिईएको सुनिलस्मृति गाउँपालिका लैगिक समानता तथा सामाजिक समावेशिकरण शाखा प्रमुख भगवती वुढाले वताईन ।
कृष्टलका गरगहना उत्पादनको आधारभुत तालिम लिएर काम गरिरहेका महिलाहरुलाई ६ दिनको स्तरवृद्धी तालिम दिईएको हो । तालिममा तालिम समापन कार्यक्रममा वोल्दै सुनिलस्मृति गाउँपालिकाको अध्यक्ष मणिराम बुढाथोकीले सिप सिकेर व्यवसायिक रुपमा अगाडी वढ्न चाहने महिलालाई गाउँपालिकाले सहयोग गर्ने वताए । तालिम लिने र काम नगर्ने प्रवृत्तीको अन्त्य गरेर सिपलाई व्यवसायमा जोड्न वित्तिय सहजताका लागि आवश्यक सहजिकरण गर्ने वताए । वजारको आवश्यकता र उपभोक्ताको रुचि हेरेर वस्तु उत्पादन गर्न सकेमा घरमै वसेर राम्रो आम्दानी गर्न सकिने भएकाले तालिममा सिकेको सिपलाई आम्दानीको आधार वनाउन सहभागिलाई सुझाव दिए ।
तालिममा एकता महिला बचत ऋण सहकारी संस्था मिझिङ वाट ३ जना, चतुरभुज महिला बचत तथा ऋण सहकारी संस्था खुङग्री वाट ४ जना, गजुलकोट महिला बचत तथा ऋण सहकारी संस्था गजुल वाट ३ जना, लिस्ने महिला बचत तथा ऋण सहकारी संस्था अरेस वाट ३ जना र जागृती कृषि महिला सहकारी संस्था घोडागाउँवाट ३ जना महिला सहभागि भएका थिए ।
